सभासद भण्डारीद्धारा बिद्यालयहरूलाई शैक्षिक सामग्री

अनिल खत्री ।।

गुल्मी, १२ असोज ।।

आफ्नो तलब असाहय बिद्यार्थीहरूको पठन पाठनमा खर्च गरिरहेका गुल्मी क्षेत्र नम्बर २ का सांसद चन्द्र भण्डारीले यहाँका असाहय बिद्यार्थी तथा केही बिद्यालयहरूलाई शैक्षिक सामग्री तथा नगद प्रदान गर्नुभएको छ । आज सदरमुकाम तम्घासमा एक कार्यक्रमको अवसरमा उहाँले बिद्यार्थी तथा बिद्यालयहरूलाई शैक्षिक सामग्री प्रदान गर्नुभएको हो । उहाँले विपन्न बिद्यार्थीहरूले पढ्ने बिद्यालयहरू र स्वयम बिद्यार्थीहरूलाई सहयोग स्वरूप नगद र कापी प्रदान गर्नुभएको छ । उहाँले माझी प्राथमिक बिद्यालय बलिथुम र गौमती प्रावि वामीलाई नगद २०÷२० हजारका दरले सहयोग गर्नुभयो । विपि स्मृति प्रावि खज्र्याङका लागि १० हजार प्रदान गर्नुभयो । यी बिद्यालयहरुलाई ४ लाख बराबरका कापी समेत प्रदान गर्नुभएको छ । त्यस्तै रेसुङगा नगरपालिकाका सुरज नेपालीलाई १० हजार, विशाल विकलाई ५ हजार, पराल्मीका शीव सुनारलाई १० हजार, वामीका दिलबहादुर कुमाललाई १० हजार, मुसिकोटकी विपन्न महिला खिमा थापालाई १० हजार, हुँगाका प्रेम भण्डारीलाई ७ हजार पाँच सय, हुँगाका सुनिल थापालाई ७ हजार पाँच सयका दरले सहयोग गर्नुभएको छ ।