समाजिक काममा योगदान गर्दै ।।

प्रेम सुनार ।।

गुल्मी, १२ असोज ।।

गुल्मीको ग्वाघा घर भई बेलायत र हङकङमा कार्यरत ग्वाघालीहरूले गाउँका शैक्षिक र स्वास्थ्य संस्थाको विकासमा विगत लामो समय देखि सहयोग पुराउँदै आएका छन् ।  पछिल्लो चरण ग्वाघा –५ घर भई यु.के.मा कार्यरत वोम पुनले ग्वाघा माध्यामिक विद्यालयका लागि एक थान कम्युृटर प्रदान गर्नुभएको छ । त्यस्तै उहाँले विगतमा पनि त्यस माध्यामिक विद्यालय सञ्चालनका  लागि आर्थिक सहयोग गरेको त्यस विद्यालयका प्रधानध्यापक गणेशबहादुर कार्कीले बताउनुभयो । उहाँका अनुसार पुन लगायतका युकेवासी ग्वाघाली समाजले  एसएलसी परिक्षामा वर्षै पिच्छे  उत्कृष्ट नतिजा लिएर उतिर्ण हुने विद्यार्थीलाई  १० हजार राशीको पुरस्कार कोष  समेत त्यस  विद्यालयमा स्थापना गरी दिएका छन् । त्यस्तै हङकङवासी ग्वाघाली समाजले पनित्यस विद्यालयमा  १ लाख ३० हजार मुल्य वरावरको कम्युटर  प्रदान गरेको  छ । यस कार्यमा ग्वाघा– ५  घर भई हङकङमा कार्यरत उत्तम राना, जगबहादुर दर्लामी र वडा नम्वर–४  घर भई सोही स्थानमा कार्यरत हेम राना लगायतले अगुवाई गरेको विद्यालयले जनाएको छ । त्यस विद्यालयमा कम्युटर कक्षा सञ्चालनका लागि प्रवासमा रहेका ग्वाघालीहरुले सहयोग गरे पछि जिल्ला शिक्षा कार्यलयले पनि १ लाख ६० हजार रुपैयाँ  अनुदान दिएको र ४० हजार विद्यालयको श्रोत सहित  हाल सवै गरेर ८ वटा कम्युटरमा कक्षा सञ्चालन गरिएको छ । हाल कक्षा ६ देखि ८ सम्मका विद्यार्थीहरुलाई कम्युटर कक्षा सञ्चालन गरिएको र क्रमिक रुपमा बद्धि गरिदै लगिने कम्युटर कक्षा शिक्षक कल्याण कार्कीले बताउनुभयो । त्यस्तै गत वैशाख १२ गतेको भुकम्पले क्षतिग्रस्त  ग्वाघा उप स्वास्थ्या चौकी भवन निर्माणका लागि युकेमा कार्यरत पुनको आग्राहमा तम्घास घर भई यु.के. मै कार्यरत प्रकाश काउछा र माया दर्लामी काउछाको सक्रियतामा त्यहाँबाट ८० हजार रपैयाँ संकलन गरी पठाईएको त्यस चौकी प्रशासनले जनाएको छ । बेलायत र हङकङ लगायत विभिन्न मुलकमा कार्यरत ग्वाघालीहरूले ग्वाघाको शैक्षिक र स्वास्थ्य क्षेत्रमा मात्र नभई भुकम्प पिडित सर्वसाधारण र अन्य कुराबाट विपतमा परेकाहरुलाई समेत उद्धार गर्दै आएको  भन्दै ग्वाघा गाविसको राजनैतिक संयन्त्रले प्रसशा गरेका गरेका छन् ।