मुटु दिबसका अबसरमा बिबिध कार्यक्रम ।।

गुल्मी, १२ असोज ।।

नेपालमा आज विश्व मुटु दिवस विभिन्न कार्यक्रम गरि मनाइँदै छ । हरेक बर्षको सेप्टेम्बर २९ मा दिवस मनाउँदै आइएको छ । दिवसका अवसरमा आज बिभिन्न जनचेतना मुलक कार्यक्रमको आयोजना गरिएको छ । नेपालमा पछिल्लो समय मुटु सम्बन्धी रोगले भयावह स्थिति लिन थालेको एक अध्ययनले देखाएको छ ।

यो क्रम निरन्तर बढ्दै जाने गए केहि बर्षभित्र नेपालमा जति मानिसको मृत्युहुन्छ त्यसको ५० प्रतिशत हृदयाघात लगाएत मुटुसम्बन्धी रोगको कारणले मर्ने एक अध्ययनमा भनिएको छ । १० बर्ष अघि ५० बर्ष नाघेपछि हृदयाघातका समस्या देखिने गरेको पाइएको थियो । विश्व स्वास्थ्य संगठनका अनुसार सन् २०२० सम्ममा नेपाल लगाएतका बिकासोन्मुख राष्ट्रमा हृदयाघात भएर मर्नेको सख्या ३५ प्रतिशतभन्दा बढी पुग्ने अनुमान गरिएको छ । यसै बिच आज मुटु दिवसको अवसर पारेर नेपाल हृदय रोग प्रतिष्ठान गुल्मी शाखाको आयोजनामा गुल्मीमा एक कार्यक्रम सम्पन्न भएको छ । विश्व मुटु दिवसको अवसरमा जनचेतना मुलक प्लेकार्ड सहितको ¥याली सदरमुकाम तम्घासमा निकालिएको थियो भने जिल्ला अस्पताल तम्घासका बिरामीहरुलाई फलफूल समेत वितरण गरिएको छ । कार्यक्रमलाई गुल्मी क्षेत्र नम्बर दुर्इंका सांसद तथा नेपाली कांग्रेसका केन्द्रीय सदस्य चन्द्र भण्डारीले सम्बोधन गर्नुभएको थियो । उहाँले अस्पतालमा फलफूल वितरण पछि जिल्ला अस्पताल तम्घासलाई ५५ शैयाको बनाउन जुटेको र थप कुराको स्तर बृद्धिमा समेत आफुले पहल गर्ने समेत बताउनुभयो । जिल्ला अस्पतालमा आई परिणत भएको सभामा रेसुङ्गा अस्पतालका डाक्टर लक्ष्मण भुसालले मुटु रोग लाग्नुको कारण र त्यसबाट बच्ने उपायबारे अवगत गराउनुभएको थियो । कार्यक्रमा नेपाली कांग्रेसका उप–सभापति भुवन प्रसाद श्रेष्ठ, नेकपाएमालेका सचिव सोमनाथ सापकोटा, एकिकृत नेकपा माओवादीका सचिवालय सदस्य वुद्धि जिसी, राष्ट्रिय जनमोर्चाका अध्यक्ष जिवन राना, सहायक प्रमुखजिल्ल्ला अधिकारी वलराम अर्यालय, सेनानी जनक कुमार वस्नेत, प्रहरी नायव उपरिक्षक रविन्द्र रेग्मी, सशस्त्रप्रहरी प्रमुख दलबहादुर पाण्डे, डाक्टर दिपा श्रेष्ठ लगायतका कार्यालय प्रमुख र संघ संस्थाहरुको प्रतिनिधीत्व रहेको थियो । नेपाल हृदय रोग प्रतिष्ठानका जिल्ला सभापति अखिलेश्वर प्रसाद पाण्डेको अध्यक्षतामा सम्पन्न कार्यक्रममा सचिवतारा भुसालको सञ्चालन रहेको थियो ।