प्यूठानमा गाडी दुर्घटना, ८ जनाको मृत्यु

प्युठान–प्यूठानमा गाडी दुर्घटनामा परी मृत्यु हुनेको संख्या ८ पुगेको छ । ५ जनाको दुर्घटनास्थलमै ज्यान गएको हो भने ३ जनाको उपचारका क्रममा ज्यान गएको छ । दुर्घटनामा परी दुई दर्जन बढी घाइते भएका छन्।

 घाइतेलाई उपचारका लागि अस्पताल लगिएको छ । घाइते हुने र मृत्यु हुनेको संख्या यकिन हुन सकेको छैन । दुर्घटना सवारी चालक गाडीमै च्यापिएका छन । उनलाई निकाल्ने प्रयास भइरहेको छ । उनी मृत अवस्थामा च्यापिएका छन् । त्यस्तै दुघंटनामा प्यूठान नगरपालिका १५ कि माया केसीको सनाखत भएको छ ।अन्यको सनाखत हुन सकेको छैन । दुर्घटना स्थलमा नेपाल प्रहरी, नेपाली सेना, शसस्त्र प्रहरी, रेडक्रस, स्थानीयलगायको सक्रियतामा उद्दार कार्य जारी छ । प्यूठान सदरमुकाम खलंगाबाट सौतामारे बाङ्गेफेदी जाँदै गरेको ना ३ ख ८३८३ नं को गाडी खलंगा सैनिक ब्यारेक नजिकै दुर्घटना ग्रस्त भएको हो ।दिउँसो करिब ३ बजेको समयमा भएको दुर्घटनको कारण खुल्न सकेको छैन । स्थानीय प्रत्यक्षदर्शीका अनुसार बिपतरीत दिशाबाट आइरहेको मोटरसाइकललाई साइड दिने क्रममा गाडी सडकबाट खसेको हो । सडकबाट गाडी करिब १ सय मिटर तल खोल्सामा खसेको छ ।