प्यूठान जिल्लामै पहिलो पटक पानी उद्योग सुरु ।।

२२ साउन, प्युठान ।।
प्यूठान जिल्लामै पहिलो पटक जिल्लाका चार जना युवाले पानी उद्योग सुरु गरेका छन् । प्रमुख ब्यापारिक केन्द्र विजुवारको जुम्रिमा युवाहरुले संयुक्त लगानीमा झिमरुक शुद्ध पिउने पानी उद्योग संञ्चालनमा ल्याएका हुन् । स्थानीय बिनोदबिक्रम शाह, कमल श्रेष्ठ, प्रमोद खड्का र सचिन सुवेदीले सुरु गर्नु भएको पानी उद्योगले आजदेखि बजारमा पानी पठाएको जनाएको छ । जिल्लामा नयाँ र ठुला उद्योगहरुका लागि लगानी नभएको समयमा युवाहरुको सक्रियता र उद्योग संञ्चालन एक उदाहरण भएको उद्योग बाणिज्य संघ प्यूठानका अध्यक्ष माधवराज भण्डारीले वताउनु भयो । हालसम्म पानी उद्योगका लागि ३५ लाख लगानी भएको भन्दै उद्योग संञ्चालन कलम श्रेष्ठले उद्योगमा थप नयाँ प्रविधि थप्नका लागि अझै २५ लाख सम्म लगानी गर्ने तयारी भएको वताउनु भयो ।