बाँदरले बारीको मकै खाईदिएपछि पाल्पाका किसान गुहार माग्दै प्रशासनमा ।।

१८ श्राबण  ।।
बाँदरले बारीको मकै खाईदिएपछि पाल्पाका किसान गुहार माग्दै जिल्ला प्रशासन कार्यालय धाएका छन् । जिल्लाको चापपानी गाविसका किसान बाँदरले बारीमा रहेको मकै खानुका साथै भाँचेर लथालिङ्ग बनाएपछि प्रशासन धाउन बाध्य भएका हुन् । चापपानीको वडा नं. ५ लाडाँडा, यम्घाको वजादी लगायतका ठाउँमा ठूलो संख्यामा बाँदरको हुल नै आएर खेतबारीमा रहेको खेतिनै नष्ट गरेको स्थानिय तुलसा भट्टराईले गुनासो गर्नुभयो । छप्पकै बारीनै ढाक्नेगरी ६÷७ सयको संख्यामा बाँदरको हुल आएर बारीमा रहेको मकै खान्छन उहाँले भन्नुभयो कतिपय बाँदरले त घरभित्रै पसेर पनि लैजाने गर्छन । भट्टराईले घरभित्र पसेर केहि चो¥यो भने मान्छेलाई कारवाही हुने तर बाँदरलाई केहि गर्न नमिल्ने भन्दै गुनासो पोख्नुभयो ।