गुल्मी महोत्सवको चहलपहल वढ्दै चौथो दिन कार्यक्रम सम्पन्न, भोलिदेखि हेलीकप्टरको आकर्षण ।।

अनिल खत्री, गुल्मी
फाल्गुण २५–
दोस्रो गुल्मी महोत्सव आज चौथो दिन बिभिन्न कार्यक्रम सम्पन्न भएका छन । “गुल्मी जिल्लाको समग्र विकासको आधार,कृषि पर्यटन,उद्योग र व्यापार ” दोस्रो गुल्मी महोत्सव तथा कृषि पर्यटन,व्यापार एबं आद्योगिक मेला २०७१ भन्ने नाराका साथ फागुन २२ गते देखि सुरु भएको महोत्सव फागुन ३० सम्म चल्ने छ । गुल्मी उद्योग वाणिज्य संघ गुल्मीका उपाध्यक्ष दुर्गा प्रसाद पाण्डेय अध्यक्षतामा रहेको कार्यक्रममा गुल्मी क्षेत्र नम्बर १ का सभासद प्रद्यापक डा. कृष्ण बहादुर छत्यालको प्रमुख आतिथ्यता रहेको थियो । कार्यक्रममा गुल्मी उद्योग वाणिज्य संघ गुल्मीका पुर्व अध्यक्ष नर प्रसाद श्रेष्ठ, पुर्व अध्यक्ष त्रयालोक्या प्रताप सेन नेपाली कांग्रेसका गुल्मीका सभापति चन्द्र केसी, एकिकृत नेकपा माओवादीका जिल्ला सहसचिव बुद्धी जिसी, अखण्ड नेपाललका नेत्र बस्नेत,नेपाल परिवार दलका पशुपती पाण्डेय , नेकपा एकिकृतका नन्दराम राना, बुटवल उद्योग वाणिज्य संघका महासचिव हरि आर्यालय जिल्लाका प्रमुख जिल्ला अधिकारी चन्द्रप्रसाद गैरे लगायतको आतिथ्यता रहेको थियो । कार्यक्रममा चर्चित लोक गायक मिलन लामा, ,मुना थापा,आध्निक गायक सुगम पोखरेल लगायत जिल्लाका राष्ट्रिय स्तरमा चर्चित कलाकारहरुको प्रस्तुती रहेको थियो । भने गुल्मीका आधा दर्जन भन्दा वढी स्थानिय कलाकारहरुले पनि आफ्नो प्रस्तुी देखाएका थिए ।। 
कार्यक्रममा गुल्मीको दोस्रो सदरकुकाम भनेर चिनिने वामीमा लोक हुन लागेको घाटु नाच प्रस्तुत गर्रिको थियो । भने बिभिन्न बिद्यालयहरुले नृत्य प्रस्तुत गरेका थिए । महात्तसवको आज चौथो दिन करिब ३५ लाख भन्दा बढीको अर्थिक कारोबार भएको स्टल संयोज एबं गुल्मी उद्योग वाणिज्य संघ गुल्मीका सचिव बिरेन्द्र भुसालले जानकारी दिनुभयो । महोत्सबमा करिव ४ हजार दर्सकले अबलोकन गरेका थिए ।
महोत्सवमा थप आकर्षणको रुपमा हेलिकप्टरको व्याबस्था हुने भएको छ । महोत्सबको पाचौ, छैठौ र सातौ दिन अर्थात यहि फागुन २६, २७ र २८ गते हेलिकप्टरको ब्याबस्था हुने भएको हो । हेलिकप्टरमा १० मिनेट यात्राको ७ हजार ५ सय र ५ मिनेट यात्रा गरेको ४ हजार लाग्ने पुर्व अध्यक्ष राजेन्द्र प्रसाद श्रेष्ठले बताउनु भयो । अहिले हेलीकप्टर को व्यावस्था हुने भएसगै महोत्सवमा थप आकर्षण हुने आयोजकले दावी गरेको छ । हेलीकप्टर यात्राको लागी अहिले अग्रीम टिकट बुकिङ्ग भैरहेको श्रेष्ठले बताउनु भयो । टिकट महोत्सवको टिकट काउन्टर र सचिवालयमा गर्न समिने ब्यवस्था गरिएको आयोजकले बताएको छ । महोत्सवको आकर्षण तथा सेवाको लागी अबसरमा भोलि र पर्सी अर्थात फागुन २६ र २७ गते लुम्बिनी मेडिकल कलेज पाल्पाको सहयोगमा स्त्रीरोग,हाडजोर्नी बिशेषज्ञ,सर्जरी बिशेषज्ञ डाक्टर एबं तम्घास अस्पताल, रेसुङ्गा हस्पिटल प्रालिका डाक्टर द्धारा बिषज्ञय निसुल्क स्वाथ्य शिबिर संञ्चालन गर्ने व्यावस्था मिलाईएको छ । शिबिर ब्यावस्थापनको लागी शेर बहादुर थापाको अध्यक्षतामा ७ सदस्यि समिती गठन भएको दोस्रो गुल्मी महोत्सव संचिवालय संयोजक एबं महासचिव कृष्णप्रसाद पोखरेलले जानकारी दिनु भयो । यस्तै साँस्कृतिक टोलीले संञ्चालन गरेको रम्बा गुल्मी छमछमी नृत्य प्रतियोगिताको तेस्रो चरणका कार्यक्रम सम्पन्न भएका छन । गुल्मी जिल्लाका बिभिन्न स्थानमा सम्पन्न कार्यक्रमबाट बिभिन्न चरण पार गरेर आएका प्रतिपर्धी मध्ये फाइनल चरणको लागी रबिना त्रामु, नविन परियार, शिव शर्मा, सुजन श्रीस,कृति शाही, सुस्मीता गाहा रहेका छन । प्रतिपर्धी मध्ये यहि फागुन २९ गते फानल चरणको कार्यक्रम सम्पन्न हुने समितीका सदस्य जनक पन्तले जानकारी दिनुभयो । महोत्सवको अबसरमा जिल्ला खेलकुद बिकास समितीले पनि बिभिन्न खेलकुद कार्यक्रम सम्पन्न भरेको छ । बिभिन्न चरणबाट उत्कृष्ट खेलाडी छनोट गर्ने जिल्ला खेलकुद बिकास समितीका उपाध्यक्ष कृष्ण प्रसाद भण्डारीले जानकारी दिनुभयो ।
महोत्सवमा गुल्मीमा उत्पादन हुने कफी, सुन्तला, तरकारी, माहुरी, च्याउ लगायतका अरू कृषिजन्य सामग्री तथा सेरामीक्स, बाँस तथा निगालोबाट बन्ने सामग्रीहरू, कोदो लगायत बिभिन्न घरेलु सामाग्रीहरुको स्टल राखिएको छ । महोत्सवमा औधोगिक बस्तुहरुको प्रर्दसन पनि गरिएको छ । महोत्सवमा गोरु द्धारा उखु पेल्ने, उखुबाट ताजा बिभिन्न परिकारहरु गुड, खुदो लगायत उखुको रस, त्यस्तै सिमीचौर राङवासका जनजागृृति आमा समुहद्धारा चिउरी पेल्ने समेत ब्यवस्था, लोप हुन लागेका डिकी झातो देख्न सकिन्छ । महोत्सवको अर्थमन्त्री डा. रामशरण महतले उद्घाटन गर्नु भएको थियो । महोत्सवको मंगलवारकोे आकर्षकणको रुपमा चर्चित आध्निक गायक रामचन्द्र काफ्ले, जसनस रिजाल, देवी घर्ति, शिरिष देवकोटा लगायत आधा दर्जन भन्दा वढी चर्चित कलाकाहरुको प्रस्तुति रहने साँस्कृति कार्यक्रम संयोज अनुप कुमार श्रेष्ठले जानकारी दिनु भयो ।