बिषाक्त रोटी खाँदा धादिङ्मा ६ जनाको मृत्यु, ६ जना नै बिरामी ।।

फाल्गुण २५–धादिङमा विषाक्त पिठोको रोटी खादा ६ जनाको मृत्यु भएको छ । धादिङको पिडा गाउँ विकास समिति वडा नम्बर ८ पुकुनमा विषाक्त गहुँको रोटी खाँदा एकै परिवारका ६ जनाको मृत्युभएको जिल्ला प्रहरी कार्यालयले धादिङले जनाएको छ । मृत्यु हुनेमा ६२ वर्षिया सञ्जाबहादुर स्याङतान, २८ वर्षिया बुहारी फुलमाया स्याङतान, नाती अर्जुन र रमेश स्याङतान, २ वर्षीया नातीनी अनिता स्याङतान, ७ वर्षीया सविता स्याङतानको मृत्युभएको धादिङका प्रहरी प्रमुख प्रकाश मल्लले जानकारी दिनुभयो । गहुँमा किरा लाग्ने डरले विषादी प्रयोग गरेकाका कारण सोही पिठोको रोटी खादा मृत्युभएको प्रहरीले जनाएको छ ।यसैगरी—अन्य ६ जना पनि गम्भीर विरामी भएका छन् । पैंचो पिठो लगेर रोटी खाएका अन्य ६ जना छिमेकी विरामी परेको प्रहरीको भनाई छ ।