भारत लैजाने लागीरहेका १२ बालबालिका भेटिए

माघ २०–
भारत लैजान लागिएको अवस्थामा चितवनको भरतपुरबाट प्रहरीले  शङ्कास्पदरुपमा १२ बालबालिका भेटेर आदर्शगृह पठाएको छ । आफ्नै अभिभावकसहित तीन व्यक्तिले ती बालबालिकालाई भारत लैजान लागेको बताएकाले शङ्कास्पद घटना देखेर अनुसन्धानका लागि उनीहरूलाई नियन्त्रणमा लिइएको चितवनका प्रहरी नायब उपरीक्षक राजन अधिकारीले जानकारी दिनुभयो । तीनजना केही बालबालिकाका आफ्नै अभिभावक भएको बताइएको छ ।
१२ बालकालिकालाई अहिले भरतपुरमा रहेको आदर्शगृहमा राखिएको छ भने बालबालिका लिएर आउने तीनजनालाई जिल्ला प्रहरी कार्यालय चितवनमा राखिएको अधिकारीले बताउनुभयो । गएराति भरतपुरको केन्द्रीय बस टर्मिनलमा उनीहरूलाई देखेपछि सोधपुछ गर्दा शङ्का लागेर नियन्त्रणमा लिइएको प्रहरीले जनाएको छ ।