सिन्धुलीमा सुमो दुर्घटनामा गम्भिर घाईते एक जनाको उपचारको क्रममा मृत्यु ।।

फाल्गुण ०१–
सिन्धुलीको मध्येपहाडी लोकमार्ग अन्तर्गत हैबारवेसीमा सुमो दुर्घटनामा गम्भिर घाईते भएका चालक रत्न तामाङको मृत्यु भएको छ । रामेछाप घर भएका तामाङको रामेछाप तामाकोसी सहकारी अस्पतामा उपचारको क्रममा मृत्यु भएको जिल्ला प्रहरी कार्यालय सिन्धुलीका प्रहरी निरिक्षक नरेसराज सुवेदीले जानकारी दिए । घटनामा घाईते भएका सोलुखुम्वुका कानदुरी शेर्पा, तिम्बा शेर्पा र २ जना फ्रेन्स नागरिकको तामाकोसी सहकारी अस्पतालमा उपचार भैरहेको सुवेदीको भनाई छ ।  सुमोमा सवार ९ जना मध्ये ५ जना गम्भिर घाईते भएका थिए भने ४ जना समान्य घाईते भएका थिए । समान्य घाईतेहरु उपचारपछि घर फर्किएका छन् । काठमाडौवाट सोलुखुम्वु तर्फ जाँदै गरेको ना १ ज ३६०७ नम्वरको सुमो शुक्रबार विहान सवाँ ८ वजे तिर बाशेश्वर ४ हैबारवेसीमा अनियन्त्रित भई सडकबाट १६ फिट तल खसेको जिल्ला प्रहरी कार्यालय सिन्धुलीले जनाएको छ ।