बालज्याति प्राविको १४ कोठे भवनको उद्घाटन माघ १९ गते हुने ।।

माघ १४–
बालज्योती प्राथमिक विद्यालय रिघा ७, मनेवा पाटाको १४ कोठे भवनको उद्घाटन यहि माघ १९ गतेसोमवार हुने भएको छ । जिल्ला शिक्षा कार्यालय बागलुङ, जिल्ला विकास समिति बागलुङ, रिघा गाँउ विकास समिति, रिघाका युके वासी तथा रिघा वडा नं. ७ का स्थानिय जनताको चन्दा तथा श्रमदान गरि कुल ४५ लाख लागतमा सम्पन्न सो भवनको उद्घाटन गर्न लागीएको हो । नवनिर्मित भवनको जिल्ला शिक्षा अधिकारी विष्णु प्रसाद तिवारीले उद्घाटन गर्ने विद्यालय व्यावस्थापन समितिका अध्यक्ष नर वहादुर घर्तिले जानकारी दिनुभएको छ । जनजातिहरुको वाहुल्यता रहेको समुदायभित्र निजि विद्यालयलाई चुनौति दिँदै विद्यालयले अंग्रेजी माध्ययम संचालन गरेको प्रधानाध्यापक सृजना घर्तिले वताउनु भएको छ । वि.सं. २०४६ सालमा स्थापना भएकोविद्यालयमा हाल ७४ जना विद्यार्थीहरुले अध्ययन गरिरहेका छन् । एउटा स्थायी दरवन्दि, एउटा राहत, एक जना बाल विकास केन्द्रका सहजकर्ता तथा ४ जना स्थानिय श्रोत का शिक्षकहरुवाट पठन पाठन हुँदै आएको छ । पूर्ण रुपमा अंग्रेजी माध्ययमवाट विद्यालय संचालन भएपछि चर्को शुल्क तिरेर निजि विद्यालयमा विद्यार्थी पठाउन नपरेको र निजि स्तरको पठन पाठन सामुदायीक विद्यालयमा भएको भन्दै अभिभावक खुसि भएका छन् ।