प्यूठानी हर्बल साबुन जापान निर्यात, साबुन उद्योगमा आर्कषण बढदो ।।

प्यूठानमा उत्पादित हर्बल साबुन जापान पुग्न थालेपछी यहाँका उद्यमीहरु साबुन उत्पादनमा थप आर्कषित भएका छन् । स्थानिय कच्चा पदार्थहरुको प्रयोग गरि उत्पादन भएको हर्बललाई सहजै रुपमा बिदेश निर्यातको ब्यबस्था गरेसंगै हर्बल साबुनमा उद्यमिहरुको आर्कषण बढेको हो । प्यूठान नगरपालिकाको मरन्ठानामा पहिलो पटक २०५९ सालमा स्थापना भएको हर्बल साबुनले अहिले स्थानियमात्रै नभई बिदेशि चर्चा समेत पाउन थालेको छ । मरन्ठानामा स्थापना भएको झिमरुम हर्बल साबुनको जापानमा निर्यात तथा चर्चा हुन थालेपछि जिल्लामा यस क्षेत्रमा लाग्न चाहानेहरुको संङख्या बढेको हो । मरन्ठाना १ गुरीगाँउमा रहेको उद्योगले गाँउमै पाईने ध्यूकुमारी,नीम,च्यूरी र तेल प्रयोग गरी हर्बल साबुन उत्पादन गर्ने गरेको उद्योग संञ्चाकल दुर्गा केसीले बताउनु भयो । प्राकृतिक बस्तुको प्रयोगले उत्पादन भएको साबुन कस्मिटिक बस्तुको प्रयोगबाट उत्पादन भएको भन्दा गुणस्तरीय र प्रयोगका लागि पनि उत्तम मानिन्छ । घरेलु उद्योगको क्षेत्रमा हर्बल उद्योग नेपालकै नमुना उद्योग भएको साना तथा घरेलु उद्योग बिकास अधिकृत राम बहादुर रानाले बताउनु भयो । जिल्लामा साबुन उद्योग तर्फ आकर्षण बढ्दै गएको कार्यालयले जनाएको छ ।