सामुदायिक रेडियो पुष्पाञ्जलीलाई उपकरण सामाग्री सहयोग रेडियोद्धारा धन्यवाद ज्ञापन ।।

अनिश गैरे वामी असार १३ सामुदायिक रेडियो पुष्पाञ्जली ९७.४ मेगाहर्ज वामीटक्सार गुल्मीलाई एक व्यक्तिद्धारा उपकरण सामाग्री सहयोग भएको छ । गुल्मी जिल्ला कुर्घा गाउँ विकास समिति वडा नं ६ उदिका निवासी तारा बहादुर विष्ट र उहाँकी श्रीमती कविता विष्टले आफ्नो बुबा पदम बहादुर विष्ट र आमा शोभा विष्टको नामबाट रेडियोलाई एक थान भिडियो क्यामरा सहयोग गर्नुभएको हो । उक्त क्यामरा आज रेडियोले आयोजना गरेको एक कार्यक्रममा उहाँका पिता पदमबहादुर विष्टले रेडियोका सञ्चालक समिति अध्यक्ष सुदर्शन शाक्य र कार्यकारी प्रमुख कौरव खत्रीलाई हस्तान्तरण गर्नुभएको हो ।उक्त हस्तान्तरण कार्यक्रममा रेडियोका सल्लाहकार एवं वामी श्रोत केन्द्रका श्रोत व्यक्ति टकंनाथ भण्डारी,भगवति प्राथमिक विद्यालय कुर्घा ८ गुन्धाराका प्रधानाध्यापक चुरा बहादुर विष्ट लगायत रेडियोका कर्मचारीहरुको उपस्थिति रहेको थियो । उक्त हस्तान्तरण कार्यक्रममा पदम विष्टलाई रेडियोले खादाले सम्मान गर्नुका साथै सहयोगी विष्ट परिवारलाई धन्यवाद ज्ञापन गर्दे आगामी दिनमा पनि यस्तै सहयोगको अपेक्षा गरेको थियो ।