सुशील कोइरालाको सपना: शान्त र समृद्ध नेपाल (संक्षिप्त जीवनी)

काठमाडौं, माघ २६ – नेपाली कांग्रेसका सभापति तथा पूर्व प्रधानमन्त्री सुशील कोइरालाको सोमाबार राति १२ बजेर ५० मिनेटमा उहाँको निवास महाराजगञ्जमा निधन भएको छ । उहाँ ७९ वर्षको हुनुहुन्थ्यो ।

कोइरालाले अन्तिम पटक आफ्ना निजी सहयोगीका रुपमा कार्यरत कृष्ण अर्याल र निजी चिकित्सक डा. करबीर योगीसँग कुराकानी गर्नु भएको थियो । राति स्वास्थ्य अवस्था केही गम्भीर भएपछि डा. योगीलाई बोलाइएको थियो ।

कोइराला केही दिनदेखि निमोनिया र ज्वरोबाट ग्रस्त हुनेभएको थियो । पार्टीको बाह्रौ अधिवेशनबाट सभापतिमा निर्वाचित हुनु भएका कोइराला त्यसअघि कार्यबाहक सभापति, पार्टी महामन्त्री र केन्द्रीय सदस्यको रुपमा रहेर काम गर्नु भएको थियो ।

सुशील कोइरालाको व्यक्तित्व

• जन्मः वि.सं १९९४ माघ २१ गते
• जन्मस्थान: विराटनगर मोरङ्
• स्थायी ठेगाना: नेपालगञ्ज–१३, बाँके
• वैवाहिक स्थितिः अबिवाहित
• पिता: बोधप्रसाद कोइराला
• माताः कुमुदिनीदेवी कोइराला
• दाजुभाइ: ६ जना (प्रमोद कोइराला, विनोद कोइराला,सुशील कोइराला,डा.अरुण कोइराला,अशोक  कोइराला,विजय कोइराला)
• दिदीबहिनी: ६ जना (दिती शर्मा,आभादेवी शर्मा, विभा,सुधा कोइराला,शशी शर्मा,सरिता )

राजनीतिमा संलग्नता:

• २००७ सालको क्रान्तिदेखि नै राजनीतिमा संलग्न । ठाकुरराम  हाइस्कूल वीरगञ्जमा अध्ययनरत रहँदा नै राजनीतिमा सक्रिय ।
• नेपाली कांग्रेसले अंगीकार गरेको राष्ट्रियता, प्रजातान्त्र र समाजवादको आदर्श एवं नेपाली कांग्रेसका संस्थापक वी पी कोइराला लगायतका नेताहरुको व्यवहारबाट अभिप्रेरित भएर राजनीतिमा संलग्न । 
• २०११ सालमा पिताजी बोधप्रसाद कोइराला नवलपरासीको डि एफ ओ रहँदा भाइ अरुणसँगै पाल्पामा नेपाल छात्र संघको शाखा खोल्न प्रस्थान ।
• २०१२ साल माघमा वीरगञ्जमा सम्पन्न नेपाली कांग्रेसको छैठौं महाधिवेशनमा सहभागी ।
• २०१४ सालमा  निर्वाचनको तिथि घोषणाको माग गर्दै देशव्यापी रुपमा भएको भद्र अवज्ञा आन्दोलनमा विराटनगरमा सहभागी ।
• २०१५ सालमा संसदीय निर्वाचनको प्रचार प्रसारमा नेपालगञ्जमा सक्रियतापूर्वक सहभागी ।
• २०१७ साल पौष १ गते सैन्यबलको आडमा राजाबाट निर्वाचित सरकार अपदस्थ गरी संसद भंग गरेपछि नेता सुवर्ण समशेरलाई नेपालको राजनीतिक अवस्थाको जानकारी दिन भाइ डा.अरुण कोइराला सहित कलकत्ता प्रस्थान । पश्चिम बंगालका मुख्य मन्त्री विधानचन्द्र रायसंग भेटघाट ।भारतमा पत्रकार सम्मेलन । भारतीय नेता जयप्रकाश नारायण, डा. राममनोहर लोहिया, अशोक मेहता, मधु दण्डवते लगायतका नेताहरुसंग सम्पर्क गरी नेपालको राजनीतिक अवस्थाबारे अवगत गराउनु भएको ।
• बेलायतकी महारानी एलिजावेथ द्वितीयाको नेपाल भ्रमण तय भएपछि  नेपाल अशान्त भएको र जनता प्रजातन्त्र अपहरित भएकोमा रुष्ट रहेको सन्देश दिन नेपालका विभिन्न भागमा भूमिगत रुपमा विरोध कार्यक्रम सञ्चालन ।
• राजा महेन्द्रको कोशी अञ्चल सवारी हुँदा त्यसको विरोधमा भूमिगत रुपमा क्रियाशील ।
• २०१७ सालदेखि २०३७ सालसम्म भारतमा  निर्वासित ।
• २०३० सालमा प्रजातान्त्रिक आन्दोलनलाई नयाँ आयाम दिन गरिएको विमान अपहरण काण्डमा संलग्न र भारतमा पक्राउ । ३ वर्षभन्दा बढी समय भारतका विभिन्न जेलमा ।
• २०३७ सालमा जनमत संग्रह हुनुभन्दा केही हप्ता अगाडि (वैशाख १ गते) गिरिजाप्रसाद कोइरालासँगै आम माफी ।
• २०३७ सालको जनमत संग्रहमा बहुदलीय व्यवस्थाको पक्षमा जनमत सिर्जना गर्न सक्रिय ।
• २०४२ सालको सत्याग्रहमा सक्रिय रुपमा सहभागी ।
• २०४६ सालको जनआन्दोलनमा अग्रपंक्तिमा सक्रिय । जनआन्दोलनका कार्यक्रम सञ्चालन गरी जनमत सिर्जना गर्न बर्दियामा सक्रिय रहेका बेला नेका नेता तारानाथ रानाभाटसँगै गिरफ्तार ।
• २०५९ असोज १८ गते तात्कालिन राजा ज्ञानेन्द्रले जननिर्वाचित सरकारलाई अपदस्थ गरेपछि नेपाली कांग्रेसको नेतृत्वमा चलेको शान्तिपूर्ण आन्दोलनमा सक्रिय ।
• २०६१ माघ १९ गते शाही “कु” भएपछि सोही दिन बाँकेमा ३ महिना नजरबन्द । त्यसपछि नेपाली कांग्रेसको अगुवाईमा सञ्चालित ७ दलीय आन्दोलनमा सक्रिय सहभागिता ।
• निरड.कुश राजतन्त्रको विरुद्ध २०६२÷६३ मा नेपाली कांग्रसको नेतृत्वमा सञ्चालित आन्दोलनमा महत्वपूर्ण भूमिका निर्वाह ।
• प्रजातन्त्र पुनस्थापनाको आन्दोलनका क्रममा  नेपाल र भारत गरी ६ वर्षभन्दा बढी जेल ।

पार्टीमा जिम्मेवारी

• पार्टी सदस्यः २०१२ साल
• सम्पादक: तरुण पत्रिका, नेपाली कांग्रसको आधिकारिक मुखपत्र, प्रवासकाल वनारस भारतमा ।
• पार्टी केन्द्रीय सदस्यः २०४५ साल मंसीर १३ देखि 
• विदेश विभाग प्रमुखः २०४५।४६ (सन १९९० )मा
• पार्टी महामन्त्री: नवौं महाधिवेशन २०५३,पोखरापछि
• पार्टी  उपसभापतिः २०५५ असोज २० गते
• कार्यबाहक सभापतिः एघारौं महाधिवेशन १३–१८ भाद्र, २०६२(संस्थापन) र पार्टी एकीकरण पछिको कार्यसमिति २०६४
• सभापति: बाह्रौ महाधिवेशन २०६७, १–५ असोज, काठमाण्डौं ।

विधायिकी यात्रा

• संसदीय दलको नेता  निर्वाचित २०७० माघ १२( प्रतिस्पर्धा नेका वरिष्ठ नेता शेरबहादुर देउवासंग)
• दोस्रो संविधान सभा २०७० को सदस्य निर्वाचित: बाँके क्षेत्र नं ३ र चितवन क्षेत्र नं ४
• प्राप्त मतः बाँके १०,७५३ चितवन २०,७६०
• निकटतम प्रतिद्धन्द्धिः बाँके धवलसमशेर राणा ८,८०३ राप्रपा नेपाल र चितवन चित्रबहादुर श्रेष्ठ १०,७३९,
• पहिलो संविधान सभाः २०६४ मा पराजित( मधेशी जनाधिकार फोरमका सर्वदेव ओझा निर्वाचित)
• प्रतिनिधिसभा सदस्य निर्वाचन २०५६ः विजयी ( निकटतम प्रतिद्धन्द्धि नेकपा मालेका रिजवान अहमद साह)
• संसदीय दलको नेतृत्वमा प्रतिस्पर्धा: प्रधानमन्त्रीबाट गिरिजाप्रसाद कोइरालाले राजिनामा दिएपछि २०५८ मा सम्पन्न संसदीय दलका नेताको निर्वाचनमा प्रतिस्पर्धा (शेरबहादुर देउवा विजयी)
• प्रतिनिधिसभा सदस्य निर्वाचन २०५१ को निर्वाचनः बाँकेबाट प्रतिस्पर्धा (शान्ति समशेर जबरा राप्रपा विजयी )
• प्रतिनिधिसभा सदस्य निर्वाचन २०४८ को निर्वाचन:बाँकेबाट विजयी( निकटतम प्रतिद्धन्द्धि गोविन्द कोइराला एमाले)
• संसदको परराष्ट सम्बन्ध र मानवअधिकार समितिहरुका रही महत्वपूर्ण योगदान 

संलग्नता: 

• संस्थापक अध्यक्ष, प्रजातन्त्र सम्बर्धन केन्द्र 
• संस्थापक अध्यक्ष,वी. पी. कोइराला स्मृति ट्रष्ट 
• संरक्षक वी पी कोइराला स्मृति संग्राहलय सुन्दरीजल काठमाडौं

विदेश भ्रमण:

भारत, चीन, श्रीलंका संयुक्त अधिराज्य बेलायत, संयुक्त राज्य अमेरिका,थाइलैण्ड, जापान ,फिलिपिन्स, हंगकंग,अष्ट्रेलिया र फ्रान्स लगायतका विभिन्न युरोपेली मुलुक

सपना:

शान्त र समृद्ध नेपाल

सपना पूरा गर्ने माध्यमः

जलस्रोत, शैक्षिक ,जनशक्ति, औद्योगिक र पर्यटनको  विकासका साथै कृषि र जडिबुटीको व्यवसायिकीकरण ।