ओपन टेनिसको पुरुष तर्फको सेमिफाइनलमा आज..

भाद्र २४ गते ।।

बर्षको अन्तीम ग्रान्ड स्लाम युएस ओपन टेनिसको पुरुष तर्फको सेमिफाइनलमा नोभाक जोकोभिक र मारिन सिलिच तथा रोजर फेडेरर र स्टेयन वावारिन्काबीच प्रतिस्पर्धा हुने भएको छ । यस्तै महिला तर्फको सेमिफाइनल खेलमा विश्व नं १ सेरेना विलियम्स र इटालिकी रोबेर्टा भिन्चीबीच प्रतिस्पर्धा हुदा विश्व नम्बर २ सिमोना हालेप र इटालीकी फालभिया पेनेटा भिड्नेछन् ।
अमेरीकाको न्युयोर्कमा आज बिहान भएको क्वाटरफाइनल खेलमा विश्व नम्बर २ स्वीस खेलाडी रोजर फेडेररले १२ औं बरियताका फ्रान्सेली रिचर्ड ग्वास्केटलाई ३ सुन्यको सोझो सेटमा पराजित गर्दै सेमिफाइनल यात्रा तय गरेका हुन् ।
यस्तै १५ औं बरियताका दक्षिण अफ्रिकी केभिन एन्डरसन्लाई ३ सुन्यकै सेटमा पराजित गर्दै पाचौँ बरियताका स्विस स्टेयन वावरिन्का पनि सेमिफाइनल पुगेका हुन् ।
यसैबिच विश्व नं १ नोभाक जोकाभिचले १८औं वरीयताका स्पेनिस खेलाडी फेलिसियानो लोपेजलाई हराउँदै अन्तिम चारमा स्थान बनाएका हुन् । अब सेमिफाइनलमा जोकोभिचको भिडन्त डिफेन्डिङ च्याम्पियन क्रोएसियन खेलाडी मारिन सिलिचसँग हुनेछ । सिलिचले फेन्च खेलाडी जो वेल्फ्रेड सोंगलाई ६–४, ६–४, ३–६, ६–७ र ६–४ को प्रतिस्पर्धात्मक सेटमा हराउँदै सेमिफाइनलमा ठाउँ बनाएका हुन् ।