सराङकोटमा बस दुर्घटना, पाँच यात्रुको ज्यान गयो (अपडेट)

फोटो :सराङकोटमा दुर्घटनामा परेको बस । फोटो सौजन्य : स्मार्ट म्युजिक सेन्टर

पोखरा : कास्कीको सराङ्गकोटमा यात्रुबाहक बस दुर्घटना हुँदा ५ जनाको ज्यान गएको छ । दुर्घटनमा अन्य ५० जना यात्रु घाईते भएका छन् ।
कास्की प्रहरी प्रमुख हरिबहादुर पालका अनुसार ज्यान गुमाउनेमा कास्कीकोटका जीवन तिमल्सिना, कास्कीकोट गाविस काहुलेका हरिबहादुर खत्री, गोमा र्लुंइटेल रहेका छन् । त्यसैगरी पोखरा–२६ सराङ्गकोटका लेखबहादुर ढकाल  र तारा थापा रहेका छन् ।

तिमल्सिनाको उपचारका क्रममा गण्डकी मेडिकल कलेज र अन्यको मणिपाल शिक्षण अस्पताल पोखरामा ज्यान गएको हो । कास्कीकोट गाविसको गुन्टेचौरबाट पोखरा आउँदै गरेको ग १ ख ४८ ४९ नम्बरको बस सौर्यनी धारामा सडकबाट करिब १ सय ५० मिटर तल खसेर दुर्घटना भएको हो ।
घाईतेमध्ये ३९ जनाको मणिपाल शिक्षण अस्पताल, ८ जनाको गण्डकी मेडिकल कलेज र ३ जनाको सहारा अस्पतालमा उपचार भैरहेको छ । घाईतेमध्ये १० जना यात्रुको अवस्था गम्भीर रहेको छ । दुर्घटनामा घाईते भएकाहरुलाई प्रहरी र स्थानीयबासिन्दाले उद्धार गरेका थिए । दुर्घटनाको कारण भने खुलेको छैन ।