सभासद भण्डारीद्धारा गुल्मी क्षेत्र नम्बर २ तथा क्षेत्र नम्बर १ जोड्ने पुलको शिलन्यास ।।
प्रेम सुनार, गुल्मी
माघ १६–
गुल्मी क्षेत्र नम्वर २ को बढिघाट खोलाबाट क्षेत्र नम्वर १ को यातयात मार्ग जोड्ने पक्की पुलको गुल्मी क्षेत्र नम्वर २ का सभासद चन्द्र भण्डारीले आज एक समारोहका विच शिलन्यास गरेका छन् । गुल्मीको हुँगा गाविसको सिस्ने गाउँबाट पारी रुपाकोटको चिउरेनी जोड्ने उक्त पुलको उद्घाटन गर्दै नेपाली कांग्रेसका केन्द्रिय सदस्य समेत रहेका सभासद भण्डारीले त्यस पुल सम्पन्न भए पछि हुँगावासी र यस सेरोफेरोका जनताले ठुलो सुविधा पाउने बताएका थिए । आफु पनि हुँगाकै वासीन्दा भएको र वाल्यपन देखिको सास्तीलाई अनुभुत गर्दै त्यस स्थानमा पक्की पुल निर्माणका लागि पहल गरेको सभासद भण्डारीको भनाई थियो । ७० मिटर लम्वाई र १२ मिटरको उक्त पक्की पुल ५ करोड ४० लाख ४१ हजार लागतमा बन्न लागेको जिल्ला विकास समितिका लेखापाल प्रेम भण्डारीले जानकारी दिए । तम्घास सिमलटारी प्युठान सडक आयोजनाले उक्त पुल निर्माणको जिम्मा भने काठमाण्डौंस्थित एसबिए कम्पनीलाई दिएको बताईएको छ । गत असार ३१ गते सम्झौता भएको उक्त पुल अवको ३१ महिना भित्रमा सम्पन्न गर्ने सम्झौता भएको आयोजना प्रमुख मुकुन्दराज अधिकारीले बताएका छन् । उक्त पुल सम्पन्न भए पछि गुल्मी क्षेत्र नम्वर २ र १ का जनताले मात्र नभई छिमेकी जिल्ला वाग्लुङ्ग सम्मका जनताले सुविधा पाउने भएका छन् । पुल शिलान्यास कार्यक्रममा नेपाली कांग्रेसका जिल्ला उपसभापति भुवनप्रसाद श्रेष्ठ, सचिव विष्णु वलाल, नेकपा एमालेका कार्यवाहक अध्यक्ष मधुकृष्ण पन्त , तम्घास सिमलटारी प्युठान सडक आयोजना प्रमुख मुकुन्दराज अधिकारी लगायतको आतिथ्यता रहेको थियो ।
माघ १६–
गुल्मी क्षेत्र नम्वर २ को बढिघाट खोलाबाट क्षेत्र नम्वर १ को यातयात मार्ग जोड्ने पक्की पुलको गुल्मी क्षेत्र नम्वर २ का सभासद चन्द्र भण्डारीले आज एक समारोहका विच शिलन्यास गरेका छन् । गुल्मीको हुँगा गाविसको सिस्ने गाउँबाट पारी रुपाकोटको चिउरेनी जोड्ने उक्त पुलको उद्घाटन गर्दै नेपाली कांग्रेसका केन्द्रिय सदस्य समेत रहेका सभासद भण्डारीले त्यस पुल सम्पन्न भए पछि हुँगावासी र यस सेरोफेरोका जनताले ठुलो सुविधा पाउने बताएका थिए । आफु पनि हुँगाकै वासीन्दा भएको र वाल्यपन देखिको सास्तीलाई अनुभुत गर्दै त्यस स्थानमा पक्की पुल निर्माणका लागि पहल गरेको सभासद भण्डारीको भनाई थियो । ७० मिटर लम्वाई र १२ मिटरको उक्त पक्की पुल ५ करोड ४० लाख ४१ हजार लागतमा बन्न लागेको जिल्ला विकास समितिका लेखापाल प्रेम भण्डारीले जानकारी दिए । तम्घास सिमलटारी प्युठान सडक आयोजनाले उक्त पुल निर्माणको जिम्मा भने काठमाण्डौंस्थित एसबिए कम्पनीलाई दिएको बताईएको छ । गत असार ३१ गते सम्झौता भएको उक्त पुल अवको ३१ महिना भित्रमा सम्पन्न गर्ने सम्झौता भएको आयोजना प्रमुख मुकुन्दराज अधिकारीले बताएका छन् । उक्त पुल सम्पन्न भए पछि गुल्मी क्षेत्र नम्वर २ र १ का जनताले मात्र नभई छिमेकी जिल्ला वाग्लुङ्ग सम्मका जनताले सुविधा पाउने भएका छन् । पुल शिलान्यास कार्यक्रममा नेपाली कांग्रेसका जिल्ला उपसभापति भुवनप्रसाद श्रेष्ठ, सचिव विष्णु वलाल, नेकपा एमालेका कार्यवाहक अध्यक्ष मधुकृष्ण पन्त , तम्घास सिमलटारी प्युठान सडक आयोजना प्रमुख मुकुन्दराज अधिकारी लगायतको आतिथ्यता रहेको थियो ।
No comments: