तिलौराकोट उत्खननमा धमाधम प्राचीन संरचना सहीत पुरातात्वक बस्तुहरु भेटियो ।।

माघ ०८–
बुद्धको क्रिडा स्थल तिलौराकोटमा भईरहेको उत्खननको केही दिन मै महत्पुर्ण पुरातात्विक बस्तुहरु फेला पर्न थालेका छन् । दोस्रो चरणको उत्खननमा प्राचिन चादीका मुद्राहरु, माटाका घैटो, हड्डी, माटाका बस्तुहरु लगायतका सामाग्रीहरु फेला परका छन् । यस्तै माटाका गेडाहरु, चुराका टुक्राहरु, हात्तीको सुड, आगाको अंगार लगायतका पुरातात्विक बस्तुहरु समेत भेटिएका छन् । बेलायतका दुई विश्व विद्यालय, पुरातत्व बिभाग र लुम्बिनी विकास कोषका संयुक्त टोलीले एकैसाथ चार स्थानमा उत्खनन र अन्वेषण गरिहेको छ । यसैक्रममा कन्थक स्तुप नजिकै उत्खननका क्रममा घैटो भित्र राखिएको अवस्थामा ४ सय ९४  चादीको पंचमार्क मुद्रा भेटिएको बरिष्ठ पुरातत्वबिद कोषप्रसाद आचार्यले बताउनुभयो । घैटोमा ४ सय ९१ र घैटो बाहिर माटोमा ३ सिक्का फेला परेका थिए । पंचाग मुद्राहरु सम्राट अशोककालीन तथा ईसापुर्व २ सय देखि ८ सय सम्म प्रयोगमा आएको हुन सक्ने अनुमान गरिएको छ । विज्ञसंग सल्लाह गरेर सिक्का सफा गरि प्रदर्शनका लागि संग्रहालयमा राखिने बताईएको छ ।