अखिल नेपाल शिक्षक संगठनद्धारा जिल्ला शिक्षा अधिकारी संग छलफल, शैक्षिक कार्यक्रमहरु समान रुपमा सबैतिर बितरण गरिनुपर्ने माग ।

अनिश गैरे, वामी गुल्मी ।।
२० कार्तिक ।
अखिल नेपाल शिक्षक संगठन गुल्मीले शैक्षिक सत्र २०७२–७३मा जिल्लमा शैक्षिक क्षेत्रमा हुन लागेका कामको बिषयमा जिल्ला शिक्षा अधिकारी संग भेटबार्ता गरेको छ । जिल्ला शिक्षा अधिकारी मित्रमणी खनाल सँग भेटघाट गरी संगठनले यस शैक्षिक सत्रमा जिल्लामा रहेका बिद्यालयहरुको लागी परेको योजनाहरु सबै क्षेत्रमा समान रुपमा बितरण हुनुपनै माग गरेको संगठनका केन्द्रिय सदस्य तथा जिल्ला अध्यक्ष रामकृष्ण कंडेलले जानकारी दिनुभयो । बैशाख १२ गतेको भुकम्पका कारण भवनमा क्षती पुगेपछि नया बन्न लागेको भवनहरुमा क्षेत्रीय सन्तुलन मिलाउनु पर्ने, आवाज बिहिन तथा दुर्गम क्षेत्रहरुका बिद्यालयलाई प्राथमीकता दिनुपर्ने, शैक्षिक निर्णय गर्दा अपर्झटमा नगरी समय राखेर गरिनुपर्ने, तथा समग्र जिल्लाको शैक्षिक क्षेत्रमा नया आयाम थपिनुपर्ने माग गरिएको उहाँले बताउनुभयो । साथै जिल्ला शिक्षा अधिकारी खनालले संगठनले गरेका मागहरु सम्बोधन गरिने बताउनुभएको समेत उहाँले जानकारी दिनुभयो ।