सदरमुकाम तम्घासका अधिकाशं मासु पसलहरु मापदण्ड बिपरीत, सुधार नभए तत्काल कारबाही पक्रिया अगाडी बढ्ने ।।

शिब सुबेदी,
गुल्मी १४ असोज ।।
गुल्मी जिल्लाको सदरमुकाम तम्घासमा सञ्चालनमा रहेका अधिकाशं मासु पसलहरु मापदण्ड विपरित पाइएका छन । जिल्ला पशु सेवा कार्यलय गुल्मीले बिहीवार सदरमुकाम तम्घासका बिभिन्न स्थानमा रहेका मासु पसलहरुको गरेको अनुगमनका क्रममा सदरमुकाम तम्घासका अधिकाशं मासु पसलहरु मापदण्ड विपरित सञ्चालन भएको पाइएको हो । जिल्ला पशु कार्यलय गुल्मीको नेतृत्वमा रहेको अनुगमन समितीले बिहीवार बिहान सदरमुकाम तम्घासका करिव एक दर्जन मासु पसलहरुमा अनुगमन गरेको छ । अनुगमनका क्रममा अधिकाशं मासु पसलहरु मापदण्ड विपरित सञ्चालनमा रहेको समितीले प्रतिवेदन तयार गरेको जिल्ला पशु सेवा कार्यलय गुल्मीले जनाएको छ । अनुगमन समितीले मासु पसलहरुको अनुगमन गर्दा खसी, कुखुरा र माछाको मासु एकै स्थानमा राखेको , मासुसगँ दुधजन्य पदार्थ पनि एकै ठाउँ राखेको, सरसफाईमा ध्यान नदिएको लगायत बध गर्ने स्थान र बिक्रि गर्ने ठाउँ नजिक भएको तथा बध गर्ने सबै स्थानमा अधिकाशं फोहोर भेटाएको थियो । साथै बध गर्ने अधिकाशं स्थानहरु शौचालयको नजिकै भएको समेत अनुगमन समितीले फेला पारेको जनाएको छ । जिल्ला पशु सेवा कार्यलय गुल्मीका अनुसार सदरमुकाम तम्घासमा रहेका मासु पसलहरुको पटक – पटक अनुगमन गर्दा पनि केही पसलहरुमा सुधार आएको भएपनि अन्य अधिकाशं पसलहरुमा सुधार नआएको जानकारी दिएको छ । कार्यलयबाट अनुदान पाएर पनि मापदण्ड अनुसार सञ्चालन नगरेका बिभिन्न मासु पसलहरुलाई कारवाहीको प्रक्रृया अगाडि बढाउने तयारी गर्ने समेत कार्यलयले जनाएको छ । अनुगमन समितीमा पशु सेवा कार्यलय गुल्मीका प्रमुख डाक्टर गौरीमान श्रेष्ठ, सहायक प्रमुख जिल्ला अधिकारी रामचन्द्र पन्थी, पत्रकार महासघंबाट पत्रकार शिबलाल सुबेदी, गुल्मी उद्योग बाणिञ्य सघंका सदस्य जगँ बहादुर कुवँर, उपभोक्ता मञ्चका टोप बहादुर खत्री, लगायतको सहभागीता रहेको थियो ।