नेपाल शिक्षक संघ ईलाका नम्बर ९ को आयोजनामा वामीमा बडादशैको शुभकामना आदान प्रदान कार्यक्रम सम्पन्न, शिक्षकहरुमा समाज रुपान्तरणेको ताकत रहेको तरुण दल गुल्मीका अध्यक्ष पन्थीको भनाई ।।

अनिश गैरे, वामी गुल्मी ।।
२३ असोज ।।
बिजया दशमी, शुभ दिपावली तथा छठ पर्वको अबसरमा वामीमा रहेको रुद्राबति बहुमुखी क्याम्पसमा शुभकामना आदान प्रदान कार्यक्रम सम्पन्न भएको छ । नेपाल शिक्षक संघ ईलाका नम्बर ९ कौ आयोजनामा शुभकामना आदन प्रदान कार्यक्रम गरिएको हो । कार्यक्रमको उद्घाटन पश्चात कार्यक्रमका प्रमुख अतिथि नेपाली काङ्ग्रेस क्षेत्र नम्बर २का क्षेत्रीय सचिब तथा तरुण दल गुल्मीका अध्यक्ष खिलध्वज पन्थीले शिक्षकहरुनै समाज रुपान्तरणको सबांहक भएकोले शिक्षकहरुमा आफ्नो पेशा प्रति कटिबद्धताको भावना हुनुपर्नै बताउनुभएको छ । जसरी एउटा सिकर्मी, डकर्मी लगायतहरुले बनाएका बिबिध कला सामाग्रीहरुले प्रशांसा पाउछन त्यत्तीकै रुपमा शिक्षकहरुको पनि सबै क्षेत्रबाट प्रशासित हुनुपर्नै उहाँको भनाई छ । प्रसँग बदल्दै उहाँले भर्खरै बनेको सबिंधानले सबै गरिब, दलित जनजाती, एकल महिला पिछडिएका बर्ग लगायतको प्रतिनिधित्व गरेको र यो सबिंधान समाबेशी, लोकतान्त्रिक रहेको बताउनुभयो । सात सालदेखीको नेपालीहरुको सपना यस सबिंधानले पुरा गरेको भन्दै नेपाली काङ्ग्रेसका सभापति तथा प्रधानमन्त्री शुसील कोईराला सबिंधानका पिता भएको उहाँको भनाई छ ।

त्यसैगरी शुभकामना मन्तब्य ब्यक्त गर्दै शिक्षक संघ गुल्मीका अध्यक्ष प्रेम नारायण भण्डारीले शिक्षकहरुलाई आस्थाका आधारमा कसैले औला उठाएमा उस्को औला काट्ने काम आफ्ना भएको बताउनुभएको छ । आफुहरु बिचारले प्रगतीबादी, मानबअधिकार, स्वतन्त्रका हिमायती भएकाले हरेक ब्यक्तिको मायाको श्रोत शिक्षक हुनुपर्नैमा उहाँको जोड रहेको छ । त्यसैगरी कार्यक्रममा शुभकामना मन्तब्य ब्यक्त गर्दे नेपाल शिक्षक युनियन गुल्मीका अध्यक्ष भिमलाल सापकोटा, नेपाली काङ्ग्रेस ईलाका नम्बर ९ का संयोजक सदर्शन शाक्य, नेत्र ज्योती संघका यसेष्कर तथा नेपाली काङ्ग्रेस वामीका पार्टी सभापति कृष्णहरी सापकोटा, सचिब तेजेन्द्र जिसी, वामी श्रोत केन्द्रका श्रोत ब्यक्ती देबिराम शर्मा, रुद्राबति बहुमुखी क्याम्पस वामीका सञ्चालक समिति सदस्य कृष्ण प्रसाद सापकोटा, नेपाली काङ्ग्रेस कुर्घाका सचिब तथा शिक्षक संघ गुल्मी पुर्ब सदस्य मृगेन्द्र रिजाल, नेपाल बिद्यार्थी संघ गुल्मीका कार्य समिति सदस्य बोम बहादुर परियार लगायतले आउँदै गरेको बिजया दशमी तथा शुभ दिपावलीको शुभकामना दिनुभएको थियो । कार्यक्रमकै अबसरमा नेपाली काङ्ग्रेस क्षेत्र नम्बर २ का सभासद चन्द्र भण्डारीले वामीमा रहेको गौमती प्राबिमा अध्ययनरत बिद्यार्थीहरुको खाजा खर्चको लागी २० हजार र अशक्त डिल बहादुर कुमाललाई १० हजार सहयोग गर्नै प्रतिबद्धता अनुसारको सहयोग रकम समेत हस्तान्तरण गरिएको थियो । कार्यक्रममा नेपाल शिक्षक युनीयन गुल्मीका अध्यक्ष भिमलाल सापकोटा, शिक्षक संघ गुल्मीका अध्यक्ष प्रेम नारायण भण्डारी, वामी श्रोत केन्द्रका श्रोत ब्यक्ती देबिराम शर्मा, ईलाका नम्बर ९ का ईलाका संयोजक सुदर्शन शाक्य लगायतको बिशेष आतिथ्यता रहेको थियो । शिक्षक संघ ईलाका नम्बर ९ का सभापति तेज बहादुर महतको अध्यक्षता, महेन्द्र आदर्श उमाबि वामीक शिक्षक सरोजराज बौद्धाचार्यको स्वागत मन्तब्य रहेको कार्यक्रमको सञ्चालन नेपाल राष्ट्रिय त्रिभुबन माबि मुसीकोटका शिक्षक कौरब खत्रीले गर्नुभएको थियो । कार्यक्रममा ईलाका नम्बर ९ अन्तर्गतका अर्लाङ्कोट वामी, मुसीकोट, कुर्घा, लगायतका  बिद्यालयहरुका ब्यबस्थापन समिति सदस्यहरु, शिक्षकहरु लगायत शिक्षा प्रेमीहरुको सहभागीता रहेको थियो ।