किरण आचार्य, बागलुङ २०७२ भदौ २३ । अञ्चल प्रहरी कार्यालय बागलुङले सडक दुर्घटना न्युनिकरणको लागि बुधवार देखि आरएससीसी केन्द्रको सुरुवात गरेको छ ।

धौलागिरी अञ्चलका चार जिल्लालाई लक्षित गरि अञ्चल प्रहरी कार्यालयले सडक सुरक्षा चेक प्वाईन्ट खडा गरि बागलुङ, पर्वत, म्याग्दी र मुस्ताङ जिल्लामा सवारी दुर्घटना बढदै गइरेको अवस्थामा यसलाई प्रभावकारी तरिकाले कमगर्न काम सुरु गरिएको हो ।

बुधवार नै धौलागिरी अन्चल प्रहरी कार्यालयमा आयोजित पत्रकार भेटघाट कार्यक्रममा बोल्दै प्रहरी बरिष्ठ उपरीक्षक सुभासचन्द्र चौधरीले नजिकिदै गरेको चार्ड पर्वमा सवारी चालकाले मनपरी तरिकाले सवारी चालाउने, अपराधिक गतिबिधि बृद्धि हुने र लागुपदार्थको कारोवार समेत बढने हुन चार जिल्लामा मोवाई चेक प्वाईन्ट खडा गरि अभियान थालिएको बताए ।

पत्रकारहरु संगको भेटमा प्रहरी बरिष्ठ उपरीक्षक चौधरीले चार जिल्लाका बिभिन्न स्थानमा चेक प्वाईन्ट अस्थायी रुपमा खडा गरि सवारीको चेकजाँच गरिन शुरु गरिएको छ । आवश्यक परे जुन सुकै समयमा र स्थानमा पनि छडके रुपमा अगाडि बढाइने स्पष्ट पारे ।

चारवटा जिल्लाले आफनै तरिकाले सवारी चेकजाच“ गर्दै आएको भएपनि यसलाई थप कडाई गर्न अभियान सुरु गरिएको हो । अञ्चल प्रहरी कार्यालयले पहिलो पटक पोखरा बागलुङ सडक खण्डको पर्वतमा गुडने यातायातका साधनमा चेकजाच“ गरेको छ । । धौलागिरी अञ्चल प्रहरी कार्यालयले चार वटै जिल्लाको शान्ति सुरक्षा तथा सवारी गतिबिधिबारे जानकारी दिने र त्यसमा प्रभावकारी नभएको थप कडाई गर्ने प्रहरी बरिष्ठ उपरिक्षक चौधरीले बताए । अस्थायी सडक सुरक्षा चेक प्वाईन्ट एकै पटक दुई वटा स्थानमा छ,छ जनाको प्रहरी टोलि र ट्राफिक प्रहरी खटिदै आएका छन ।