गोलढुंगामा ९ वर्षीय बालकको हत्या....

२१ भदौ, काठमाडौं । 

काठमाडौंको गोलढुंगामा ९ वर्षका बालकको हत्या भएको छ ।

कृष्ण जन्माष्टमीको दिनबाट हराएका ९ वर्षका मनदिप घिमिरेको शव तोरकेश्वर नगरपालिका ८ भ्यू टावर नजिकै हत्या गरेर फालिएको अवस्थामा भेटिएको हो ।

उनको शव कमैबारीको काल्लामा भेटिएको थियो । बारीमा गएका एक स्थानीयले शव देखेपछि प्रहरीलाई खबर गरेका थिए ।

महानगरीय प्रहरी बृत्त बालालुका अनुसार बालकको शव हात खुट्टा बाँधिएको अवस्थामा भेटिएको छ । घटनाबारे अनुसन्धान भइरहेको प्रहरीले जनाएको छ ।

onlinekhabar.com