गुल्मीको पुर्काेटदहमा जिप दुर्घटना हुँदा, एक जनाको मृत्यु, एक जना गम्भिर घाईते ।।

प्रेम सुनार ।।

गुल्मी, १२ असोज ।।

गए राती गुल्मीको पुर्कोटदहमा जिप दुर्घटना हुँदा एक जनाको मृत्यु भएको छ । एक जनागम्भीर घाईते भएका छन् । पुर्कोटदहबाट सन्धीखर्क तर्फ जाँदै गरेको लु १ च ४९०५ नम्वरको जिपपुर्कोटदह ३ को फुर्सेमाटो भन्ने स्थानमा दुर्घटना हुँदा सोहीगाविस वडा नम्वर–३ का ३२  वर्षिय केशरबहादुर थापाको  मृत्यु भएको प्रहरीले जनाएको छ ।

जिल्लाप्रहरी कार्यालय गुल्मीले दिएको जानकारी अनुसार सोही स्थानका २५ वर्षिय वसन्तकुँवर घम्भीर घाईते भएका छन् । उनलाई भैरहवा स्थित युनिभर्सल मेडिकल कलेजमा उपचार गराईदै छ ।

साँझकरिव साढे ९ वजेको समयमाभएको दुर्घटनामा जिप सडक देखि करिव २ सय मिटर तल खसेको तर दुर्घटनाको कारण खुल्ननसकेको प्रहरीले बताएको छ  । स्मरण रहोस सोही स्थानबाट सन्धीखर्क जाँदै गरेको अर्को जिप दुर्घटनामा परी एक जनाको मृत्यु भएको अझै एक हप्तापुगेको छैन् ।

यहिअसोज ७गते सोही सडक खण्डमा नेपाल विद्युत प्राधिकरण गुल्मी वितरण शाखाको सरकारी जिप दुर्घटना हुँदात्यस कार्यालयका प्राविधिक जिपकान्त पाण्डको मृत्यु भएको थियो  । उक्त सडक खण्ड जोखिम पुर्ण भएको र पटक पटक दुर्घटना हुँदापनि सम्वन्धीत निकायको ध्यान जान नसकेको स्थानियको गुनासो रहेको छ ।