रुरु गाबिसमा करेन्ट लागेर २ जनाको मृत्यु, सदरमुकाम तम्घासमा एक ब्यक्ति मृत भेटिए ।।

गुल्मीको रुरुमा करेन्ट लागेर २ जनाको मृत्यु भएको छ । रुरु गाउँ विकास समिति वडा नं ७ स्थित स्थानीय २२ बर्षका कमल ज्ञवाली र ५० बर्षका बिन बहादुर मुखियाको करेण्ट लागेर मृत्यु भएको प्रहरीले जनाएको छ । प्रहरीका अनुसार करेन्ट लागेर मरेको कुकुरलाई निकाल्न खोज्दा उनीहरुलाई करेन्ट लागेको हो । करेन्ट लागेर घाईते भएका दुवै जनालाई उपचारको क्रममा पाल्पामा मृत्यु भएको प्रहरीले जनाएको छ । यता सदरमुकाम तम्घासमा अत्यधिक मदिरा सेवनका कारण एक जनाको ज्यान गएको छ । जिल्ला प्रहरी कार्यालय गुल्मीका अनुसार बुटवल उप महानगरपालिका १३ घर भई सदरमुकाम तम्घासको श्रीराम टेर्लसमा काम गदै आएका ५२ बर्षिय दिपक परियारको ज्यान गएको हो । बिहीवार साझँ अत्यधिक मदिरा सेवन गरेर सुतेका परियार बिहान अवेरसम्म नउठेपछि उठाउन खोज्दा बेहोस अवस्थामा भेटिएपछि उनलाई तत्काल जिल्ला अस्पताल तम्घासमा ल्याइएको थियो । शुक्रवार दिउसो जिल्ला अस्पताल तम्घासले परियारलाई मृत घोषणा गरेको जिल्ला प्रहरी कार्यलय गुल्मीका प्रहरी निरिक्षक रामप्रकाश पौडेलले जानकारी दिनुभएको छ । घटनाका बारेमा थप अनुसन्धान भैरहेको प्रहरीले जनाएको छ ।