क्यान्सरमुक्त बेलायतीको स्वास्थ्य कमजोर (क्यान्सरबाट जोगिने टिप्ससहित)

एजेन्सी– बेलायतमा क्यान्सर रोगबाट मुक्त भएकाहरुको स्वास्थ्य अन्यत्रका क्यान्सरमुक्त ब्यक्तिभन्दा कमजोर देखिएको छ । बेलायतको क्यान्सर सम्बन्धी जर्नलमा प्रकाशित गरिएको सो अध्ययनमा पछिल्लो १५ वर्षमा बेलायतमा क्यान्सरबाट बाँचेका मानिसहरुको तथ्यांकलाई तुलना गरिएको छ ।
अनुसन्धानकर्ताहरुका अनुसार पछिल्लो समयमा क्यान्सर जितेर बाँच्नेहरुको अवस्थामा उल्लेख्य सुधार आएको छ । तथापी, अन्य मुलुक र बेलायतका क्यान्सर पीडितको स्वास्थ्यमा देखिएको खाडल भने फराकिलो रहेको अध्ययनमा संलग्न अनुसन्धानकर्ताहरुले बताएका छन् ।
बेलायतको राष्ट्रिय स्वास्थ्य विज्ञानका अनुसार क्यान्सरबाट बाँचेका मानिसको तथ्यांक खासै ठूलो छैन । लन्डन स्कुल अफ हाइजिन एन्ड ट्रोपिलकल मेडिसिनले बेलायतका विभिन्न क्यान्सरका रोगीहरु जस्तै मलद्धारा, स्तन, फोक्सो, डिम्बासय र पेटको क्यान्सरबाट बचेका मानिसको तथ्यांकलाई अस्ट्रेलिया, क्यानडा, डेनमार्क, नर्वे र स्वीडेनका क्यान्सरममुक्त नागरिकसँग तुलना गरेका थिए । सन् १९९५ देखि सन् २००९ को अवधिमा आएको तथ्यांकको परिवर्तनको पनि उनीहरुले अध्ययन गरेका थिए ।
निरन्तर सुधारको बाबजुद पनि अस्टे«लिया, क्यानडा, नर्वे र स्वीडेनको तुलनामा ६ प्रकारका क्यान्सरबाट पाँच वर्ष बाचेकाहरुको संख्या तुलनात्मक रुपमा न्यून रहेको छ ।
बिरामी भएको लामो समयपछि मात्र क्यान्सर भएको पत्तो पाउनुु, उपचारमा कमजोर पहँुच र स्वास्थ्य प्रणालीमा न्यून लगानी यसको कारण हुन सक्ने अनुसन्धानकर्ताहरुले औँल्याएका छन् ।
तर अनुसन्धानकर्ताहरुले एउटा नयाँ विषय पनि पत्ता लगाएका छन् । अन्य मुलकको तुलनामा बेलायतमा सुधारको गति निकै चाँडो देखिएको छ । उदाहरणको लागि स्तनको क्यान्सरबाट पाँच वर्ष बाँचेकाहरुको स्वास्थ्यमा अस्ट्रेलिया, क्यानडा, नर्वे र स्वीडेनको तुलनामा बढी सुधार आएको पाइयो ।
उपलब्ध पछिल्लो तथ्यांकले फोक्सोको क्यान्सरबाट बाँच्नेमा राम्रो उपलब्धी ल्याएको अध्ययनले दर्शाएको छ ।
अध्ययनमा संलग्न मध्येका एक डा. मिचेल कोलीम्यानले बीबीसीसँग भने, ‘बाँच्नेहरुको तथ्यांक स्वास्थ्य प्रणालीको समग्र प्रभावकारीताको मापन हो । उदाहरणको लागि यसको अर्थ यो होइन की चिकित्सकहरु राम्रा वा खराब थिए भन्ने होइन ।’
क्यान्सर रिसर्च युकेले आर्थिक रकम जुटाएको सो अध्ययनमा क्यान्सर सम्बन्धी सचेतनामा सुधार, धैर्य सेवा र उपचार उपयोगी हुने जनाइएको छ ।
सो संस्थाका सारा हिओमले भने, ‘रोगबाट बचेका मानिसहरुको स्वास्थ्य सुधारका लागि बेलायत अन्तर्राष्ट्रिय तहमा संघर्ष गरिहरेको मात्र होइन, बिरामीलाई उपचार गर्ने तीब्रता र आवश्यकता परेको अवस्थामा उनीहरुले पाउने उपचार पनि देशभर भिन्न छ । ’
एनएचएस बेलायतका क्यान्सर प्रमुख सिन डफीले एनएचएसले अहिले ठूलो संख्यामा क्यान्सरका रोगी देखेको बताए । उनले थपे, ‘केही क्यान्सरमा हुने बाँच्ने दरमा सुधारमा तीब्रता आएकोमा हामी उत्साहित छाँै । यसले यसअघिको उपचारका लागि कार्य र सकरात्मक प्रभावसहितको राम्रो नतिजा देखाएको छ । ’
निःसन्देह क्यान्सर रोगहरुमध्ये सबैभन्दा खतरनाक रोग हो । यो पनि भन्ने गरिन्छ कि कुनै पनि व्यक्तिले आफ्नो नाम क्यान्सरसँग जोड्न चाहन्नँ । सामान्य जीवनशैलीमा गरिने परिवर्तनलले क्यान्सर रोगको खतरा रोक्न सकिन्छ ।

क्यान्सर रोक्ने टिप्स

रसायनयुक्त, विषाधियुक्त र क्यान्सर उत्पन्न गर्ने कुनै पनि चिज सम्भव भएसम्म नखानुहोस् । विशेष गरी रातो मासुमा यस्तो क्यान्सरजन्य तत्व हुने हुनाले कहिल्यै उपभोग नगर्नुहोस् ।
प्रशस्त फलफुल र हरियो सागसब्जी सेवन गर्नुहोस् ।
अत्यधिक क्लोरिन नभएको पानी पिउनुहोस् । क्लोरिनले तपाईको आन्द्रालाई असरलाई गर्न सक्छ । यो ब्याक्टेरियाले मानिसको रोग प्रतिरोध प्रणालीलाई कमजोर गराउछ ।
सम्भव भए दैनिक, यदि सकिदैन भने सातामा कम्तिमा एक गिलास फलफुलको जुस पिउनुहोस् ।
खानामा सकेसम्म चिनियुक्त र गुलियोको मात्रा कम गर्नुहोस् । चिनिले रोग प्रतिरोध प्रणालीलाई कमजोर बनाउने भएकोले चिनिको सक्दो कम प्रयोग गर्नुपर्छ । स्वास्थ्य खाद्यन्न भण्डारमा पाइने जडिबुटी स्टेभिया चिनिको विकल्पको रुपमा प्रयोग गर्न सकिन्छ ।
व्यायाम गर्नुहोस् । व्यायम स्तन र घाँटीको क्यान्सर तथा ट्युमर रोकथामसँग प्रत्यक्ष सम्बन्धित भएकोले दैनिक रुपमा व्यायाम क्यान्सरबाट बच्ने अचुक उपाय हुन सक्छ । ग्रीन टि, दालचिनी, अदुवाको प्रर्याप्त उपभोग गर्नुहोस् ।
अमेरिकाको क्यान्सर रिर्सच संस्थाका अनुसार धुवाँमा पकाएको वा नुन दलेर राखेको मासु कहिल्यै पनि खानु हुदैन । सुकुटी र नुनिलो मासुको उपभोगले कोलोन क्यान्सरको सम्भावना बढी हुन्छ ।
पोटेटो चिप्स भूलेर पनि नखानुहोस् । आलुलाई टुक्रा टुक्रा पारेर तेलमा फ्राई गर्दा क्यान्सर बनाउने तत्व उत्पन्न हुने भएकोले पोटेटो चिप्स नखान विज्ञहरुले सुझाब दिएका छन् ।swasthyakhabar.com