गुल्मीमा वौद्धिक अपाङ्गका लागि भवन बन्ने

प्रेम सुनार
गुल्मी, फागुन–२३ । 

वौद्धिक अपाङ्गहरुलाई पठन पाठन र उनिहरुको संरक्षणका लागि गुल्मीको रेसुङ्गा नगरपालिका भित्र भवन बन्न सुरु भएको छ । शान्ति तथा पुनर्निमाण मन्त्रालय , जिल्ला विकास समिति , सहरी विकास भवन डिभिजन कार्यालय र रेसुङ्गा नगरपालिकाको आर्थिक सहयोगमा १ करोड ३४ लाख लागतमा रेसुङ्गा नगरपालिका १० उपल्लो तम्घासको गैरा भन्ने स्थानमा तिन तले भवन निर्माण हुन लागेको हो ।
वौद्धिक अपाङ्ग पुनस्थापन केन्द्रका रुपमा भवन निर्माण कार्य ुसुरु भएको र आगमी तिन वर्ष भित्र सम्पन्न गर्ने सम्झौता भएको वौद्धिक अपाङ्ग अभिभावक संघ, गुल्मीले आफ्नो छैंठौ साधरण सभामा जानकारी गराएको हो । साधरण सभाको उद्घाटन गर्दै गुल्मी क्षेत्र नम्वर २ का सभासद चन्द्र भण्डारीले उक्त भवनको शिलान्यास गरेका हुन् । शिल्यानस गर्दै सभासद भण्डारीले यस जिल्लाका वौद्धिक अपाङ्गहरुका लागि पुनस्थापना केन्द्र अति आवस्यक भएको र अवस्यक रकमका लागि आफुले पहल गर्ने प्रतिवद्धता जनाएका थिए । उनले अव बन्ने संविधानमा अपाङ्गहरुका हक हित र अधिकारकार सुरक्षित हुनु पर्नेमा जोड दिएका थिए ।

पहिलो चरणमा शन्ति तथा पुननिर्माण मन्त्रालयबाट २ लाख रुपैयाँ विनियोजन भएको, सहरी विकास तथा भवन डिभिजन कायालयबाट १ लाख , जिल्ला विकास समितिबाट २ लाख ५० हजार र आगमी वर्ष रेसुङ्गा नगरपालिकाबाट पनि आवस्यक रकम विनियोजन हुने वौद्धिक अपाङ्ग अभिभावक संघका अध्यक्ष ईस्वरी पौड्यालले जानकारी दिए ।
वौद्धिक अपाङ्ग अभिभावक संघ गुल्मीको छैंठौं साधरण सभा तथा पुनस्थापना केन्द्र शिलान्यास कार्यक्रममा सभासद भण्डारीको प्रमुख आतित्यता थियो । कार्यक्रममा स्थानिय विकास अधिकारी डिलाराम पन्थीको विशेष आतिथ्यता थियो ।
त्यस्तै नेपाली कांग्रेसका उपसभापति भुवनप्रसाद श्रेष्ठ, एकिकृत नेकपा माओवादीका जिल्ला कोषाध्यक्ष ज्ञानबहादुर बुढा, राष्ट्रिय जनमोर्चाका हरि न्यौपाने, नेपाल तरुण दलका अध्यक्ष खिलद्धवज पन्थी, नेपाल महिला संघकी अध्यक्ष विष्णकुमारी सापकोटा, क्रान्तिकारी पत्रकार संघका केन्द्रिय सदस्य प्रेम सुनार, उपल्लो तम्घास माध्यामिक विद्यालय व्यवस्थापन समितिका अध्यक्ष गुणानिधी मरासीनी , वौद्धिक अपाङ्ग सञ्जालका अध्यक्ष रघुनाथ मरासीनी, नेवा खलः गुल्मीका अध्यक्ष राजकुमार श्रेष्ठ, सचिव सुरेन्द्र श्रेष्ठ, नेपाल निजामति कर्मचारी युनियनका अध्यक्ष हरिप्रसाद ज्ञवाली लगायतको आतिथ्यता रहेको थियो । साधरण सभामा संघका अध्यक्ष पौड्यालले अध्यक्षको प्रतिवेदन प्रस्तुत गरेका थिए । त्यस्तै कोषाध्यक्षको प्रतिवेदन उमानाथ पन्थी र सचिवको प्रतिवेदन मेघलाल पाण्डेले प्रस्तुत गरेका थिए ।
वौद्धिक अपाङ्ग पुनस्थापना केन्द्र निर्माणका लागि फिलिपीन्समा कार्यरत उपल्लो तम्घासका वावुराम पन्थीको नेतृत्वमा त्यहाँका विदेशीहरुले १ लाख १६ हजार भन्दा बढि रकम सहयोग पठाएका छन् । गरेका छन् । साधरण सभाको अवसरमा चन्दाता पन्थीका पिता रुकमणी पन्थीलाई सम्मान गरिएको थियो । गुल्मी जिल्लामा संगठित वौद्धिक अपाङ्गको सख्या ३ सय ३४ जना रहेका संघका सचिव मेघलाल पाण्डेले बताए ।
यि सहित तमाम यहाँका वौद्धिक अपाङ्गहरु पुनस्थापना केन्द्रको अभावमा घरमैं कष्टकर जिवन विताउन बाध्य छन् । करिव १० जनालाई भने उपल्लो तम्घास माध्यामिक विद्यालयमा पठन पाठन र खाना वस्नको व्यवस्था गरिदै आईएको छ ।
वौद्धिक अपाङ्ग अभिभावक संघका जिल्ला अध्यक्ष ईस्वरी पौड्यालको अध्यक्षतामा सम्पन्न कार्यक्रममा उपाध्यक्ष डिलबहादुर थापाको स्वागत मन्तव्य र सचिव मेघलाल पाण्डेको सञ्चालन रहेको थियो ।