गुल्मी महोत्सवको दोस्रो दिन ६० लाख भन्दा बढीको कारोबार महोत्सव साँस्कृतिक मय

अनिल खत्री, गुल्मी
फाल्गुण २३–
दोस्रो गुल्मी महोत्सव आज दोस्रो दिन बिभिन्न कार्यक्रम सम्पन्न भएका छन । “गुल्मी जिल्लाको समग्र विकासको आधार,कृषि पर्यटन,उद्योग र व्यापार ” दोस्रो गुल्मी महोत्सव तथा कृषि पर्यटन,व्यापार एबं आद्योगिक मेला २०७१ भन्ने नाराका साथ शुक्रवार देखि सुरु भएको महोत्सव फागुन ३० सम्म चल्ने छ । महोत्सवको आजको कार्यक्रम सांस्कृति कार्यक्रम संयोजक अनुप कुमार श्रेष्ठको अध्यक्षतामा सम्पन्न कार्यक्रममा गुल्मी क्षेत्र नं. २ का सभासद चन्द्र भण्डारीको प्रमुख आतिथ्यता रहेको थियो । कार्यक्रममा महोत्सव मुल आयोजक समितीका संयोजक गुल्मी उद्योग वाणिज्य संघ गुल्मीका अध्यक्ष अखिलेश्वर पाण्डेय, जिल्लाका प्रमुख जिल्ला अधिकारी चन्द्रप्रसाद गैरे, महोत्सवको मुख्य प्रायोजक भुसाल ट्याक्टर सप्लार्यस का प्रमुख बालकृष्ण भुसाल, प्रयोजक रम्बा चाउचाउका बाबुराम पन्त रुपन्देही उद्योग वाणिज्य संघका महासचिव हिरामणी भट्टराई, कान्तीपुर एफ एमका स्टेशन म्यानेजर प्रमान्द खनाल लगायत को आतिथ्यता रहेको थियो । कार्यक्रममा चर्चित कलाकारहरु राजेशपायल राई, बिमलराज क्षेत्री, सरिता कार्की, मदन खनाल,रामचन्द्र चन्द,रितु थापा, चर्चित डान्सर पुर्णिमा श्रेष्ठ लगायत जिल्ला स्थित आदा दर्जन भन्दा वढी स्थानिय कलाकारहरुको दिन भर साँस्कृतिक प्रस्तुति रहेको थियो । कार्यक्रममा वडागाँउ गुल्मीको सराय नाँच, स्थानिय बिभिन्न ठाउ बिषेस मौलीकता झल्कने बिभिन्न प्रस्तुतिहरु रहेको थियो । महोत्सवको आज दोस्रो दिन करिव ६० लाख भन्दा बढीको कारोबार भएको छ भने १२ हजार भन्दा बढी दर्शकले अबलोकन गरेको आयोजकले बताएको छ । महोत्सवलाई व्यावस्थित बनाउन महोत्सव हुने स्थानमा सि सि क्यामरा जडान गरि सुरक्षित गराईएको छ । महोत्सवलाई थप आकर्षण गराउन हेलिकप्टरको व्यास्था गरिएको छ । यहि फागुन २६, २७ र २८ गते हेलिकप्टर द्धारा गुल्मी जिल्लाका ऐतिहासिक, पर्यटकिय, धार्मिक स्थलहरुको दृश्याबोलकन गर्न सकिने व्यावस्था गरिने भएको छ । हेलिकप्टर व्यावस्थापनको लागी पुर्व अध्यक्ष राजेन्द्र प्रसाद श्रेष्ठको अध्यक्षतामा ७ सदस्यि हेलिकप्टर व्याबस्थापन समिती गठन भएको छ । समितीले हेलिकप्टर व्याबस्थापन सगै टिकट बुकिङ्गको व्यावस्था गर्ने श्रेष्ठले बताउनु भयो । महोत्सवको अबसरमा फागुन २६ र २७ गते लुम्बिनी मेडिकल कलेज पाल्पाको सहयोगमा स्त्रीरोग,हाडजोर्नी बिशेषज्ञ,सर्जरी बिशेषज्ञ डाक्टर एबं तम्घास अस्पताल, रेसुङ्गा हस्पिटल प्रालिका डाक्टर द्धारा निसुल्क स्वाथ्य शिबिर संञ्चालन गर्ने व्यावस्था मिलाईएको दोस्रो गुल्मी महोत्सव संचिवालय संयोजक एबं महासचिव कृष्णप्रसाद पोखरेलले जानकारी दिनु भयो । महोत्सवमा यहाँको कृषि तथा पर्यटनलाई बिशेष प्राथमिकता दिइएको छ । महोत्सवमा गुल्मीमा उत्पादन हुने कफी, सुन्तला, तरकारी, माहुरी, च्याउ लगायतका अरू कृषिजन्य सामग्री तथा सेरामीक्स, बाँस तथा निगालोबाट बन्ने सामग्रीहरू, कोदो लगायत बिभिन्न घरेलु सामाग्रीहरुको स्टल राखिएको छ । महोत्सवमा औधोगिक बस्तुहरुको प्रर्दसन गरिएको छ । गुल्मीमा उत्पादन भएका कृषि जन्य सामाग्रीहरु प्रर्दशनीमा राख्ने मध्ये उत्कृष्ट कृषकहरुलाई जिल्ला कृषि बिकास कार्यलय गुल्मीबाट तर्फबाट पुरस्कारको व्यबस्था मिलाईएकोघरेलु तथा कृषि प्रर्दशनी समितीका संयोजक मनिराम अर्यालले बताउनु भयो । महोत्सवमा गोरु द्धारा उखु पेल्ने, उखुबाट ताजा बिभिन्न परिकारहरु गुड, खुदो लगायत उखुको रस, त्यस्तै सिमीचौर राङवासका जनजागृृति आमा समुहद्धारा चिउरी पेल्ने समेत ब्यवस्था, लोप हुन लागेका डिकी झातो देख्न सकिन्छ ।
महोत्सवमा थप आर्कषण गर्न चर्चित हाँस्य टेलि सृखला भद्रगोलका टिमहरुको हाँस्य व्याग्य प्रस्तुति रहने कार्यक्रममा महोत्सवमा चर्चित लोक तथा अधुनिक कलाकारहरुमहोत्सव अबधी भर प्रत्येक दिन छुट्टा छुट्टै कलाकारहरुबाट बिबिध साँस्कृतिक कार्यक्रमहरु संञ्चालन हुने साँस्कृति कार्यक्रम संयोजक अनुप कुमार श्रेष्ठले बताउनु भयो । प्रत्येक दिन छुट्टाछुट्टै नेपालका चर्चित राष्ट्रिय र स्थानिय कलाकारहरुको सहभागित रहने कार्यक्रम रहेको हुँदा महोत्सव साँस्कृतिक कार्यक्रममय बन्नी रहेको छ । राष्ट्रिय कलाकार सगै गुल्मी जिल्लामा झल्कने बिभिन्न संस्कृतिहरु पञ्चे वाजा, सोरोठी,बिभिन्न जात जातिका झाकीहरु, भजन कृतन लगायत बिभिन्न कार्यक्रमहरु पनि देखाइको थियो । महोत्सवको थप आकर्षण स्वरुप नृत्य प्रतियोगित संञ्चालन हुने भएको छ । प्रथम रम्बा गुल्मी छमछमी नृत्य प्रतियोगिता नामले संञ्चालनमा आएको छ । महोत्सव संञ्चालन अबधी भर फाईनल चरणका कार्यक्रमहरु संञ्चालन भैरहेका छन । फाईनल चरण पार गरी प्रथम हुनेले रम्बा चाउचाउको तर्फबाट रु २० हजार पाउने छ भने क्रमस द्धितिय र तृतिया हुनेले १५ हजार र १० हजार पाउने ब्यावस्था गरिएको श्रेष्ठले बताउनु भयो । गुल्मी जिल्लामा लुकेरा रहेका प्रतिमा आफुमा हुँदाहुदै पनि देखाउने अबसरमा नपाएकाहरुलाई अगाडी ल्याउने अभिप्रायले नृत्य प्रतियोगिता राखिएको श्रेष्ठको भनाई छ । यो अभियानले गुल्मी जिल्लाबाट एउटा नयाँ उर्जा वान प्रतिभा जन्मने श्रेष्ठले बताउनु भयो । महोत्सवमा यस्ता कार्यक्रमहरु राख्दा नयाँ प्रतिभाले पनि स्थान पाउने र महोत्सवमा पनि थप आकर्षण बढाउने महोत्सव आयोजकले लक्ष्य राखेको छ । महोत्सवमा ५ करोडभन्दा बढीको कारोवार हुने लक्ष्य रहेको गुल्मी उद्योग बाणिञ्य सघंका महासचिव तथा सचिवालय समितीका सयोजक कृष्ण प्रसाद पोखरेलले जानकारी दिनुभयो । महोत्सवमा ३ लाख २० हजार दर्शकहरूले अवलोकन गर्ने समेत अनुमान गरिएको छ । महोत्सवमा कुल ६० लाख भन्दा बढी खर्च हुने र ७५ लाखभन्दा बढी आम्दानी हुने आर्थिक सकंलन तथा ब्यवस्थापन समितीका सयोजक निर्वतमान अध्यक्ष कृष्ण प्रसाद भण्डारीले बताए । महोत्सवमा आम्दानी भएको रकम गुल्मीमा अहिलेसम्म २÷३ सय मानिसहरु अटाउने सभाहलको समस्या रहेकाले त्यो आम्दानी भएको रकमबाट सभाहल निमार्ण गर्ने र केही प्रतिशत अन्य सामाजिक कार्यमा खर्चिने समेत भण्डारीले जानकारी बताए । महोत्सवमा सबैभन्दा बढी कलाकारहरुमा खर्च हुने बताइएको छ भने त्यस पछि प्रचार प्रसारमा हुने बताइएको छ । महोत्सवको अर्थमन्त्री डा. रामशरण महतले उद्घाटन गर्नु भएको थियो । महोत्सव प्रधानमन्त्री सुशील कोईरालाले उद्घाटन गर्ने कार्यक्रम रहेपनि बिभिन्न कारणले स्थगीत भएको थियो । यस्तै महोत्सवको आईतवारकोे आकर्षकणको रुपमा चर्चित गायक रामजी खाँड, सम्झना लामिछाने, हिमाल सागर लगायत आधा दर्जन भन्दा वढी चर्चित कलाकाहरुको प्रस्तुति रहने साँस्कृति कार्यक्रम संयोज अनुप कुमार श्रेष्ठले जानकारी दिनु भयो ।