दुबै मृगौला फेल भएर शिक्षण अस्पतालमा उपचारार्थ बिकको जीवन रक्षार्थ अभियान चलाईने ।।

अनिश गैरे, वामी गुल्मीदुबै मृगौला फेल भएर शिक्षण अस्पतालमा उपचारार्थ गुल्मी अर्लाङ्कोट ४ निबासी केयरसिहँ बिककी श्रीमती अम्बिका खड्का बिकको जीवन रक्षाको अभियान चलाईने भएको छ । अलाईङ्कोट तथा छिमेकी गाबिसहरुका बुद्धिजिविहरुको बिशेष भेलाले सोही अभियान चलाउने निर्णय गरेको हो । भेलाले उहाँको जीवन रक्षाको लागी नरेशराज खरेलेका अध्यक्षतामा १७ सदस्यीय आर्थिक ब्यबस्थापन समितिको गठन गरेको छ । जसको उपाध्यक्षमा भुमा गुरुङ्, कोषध्यक्षमा बिश्वनाथ सापकोटा, सचिबमा यज्ञ कंडेल, तथा सहसचीबमा यत्रमुर्ति सापकोटा लगायत अन्य सदस्यहरु रहनुभएको छ । साथै समितिले आज मात्रै रु २३ हजार रकम समेत सँकलन गरिसकेको समितिका अध्यक्ष नरेशराज खरेलले जानकारी दिनुभयो । साथै उहाँले बिकको जीवन रक्षाको लागी आफ्नो सानो सहयोग पनि ठुलो हुने भन्दै अर्थिक सहयोगको लागी सम्पुर्णलाई आग्रह समेत गर्नुभएको छ ।