चौथो एसपीए कप क्रिकेट प्रतियोगिता यही माघ १६ देखि २४ गतेसम्म धनगढीमा हुने ।।

मङिसर २१
चौथो एसपीए कप क्रिकेट प्रतियोगिता यही माघ १६ देखि २४ गतेसम्म धनगढीमा हुने भएको छ । सर्वाधिक पुरस्कार राशीको प्रतियोगिताको विजेताले ५ लाख तथा उपविजेताले २ लाख रुपैया नगद पुरस्कार जित्नेछन् । यसैगरी, प्रतियोगिताका उत्कृष्ट खेलाडीले ५० हजार रुपैया पाउनेछन भने अन्य विभिन्न विधाका उत्कृष्ट खेलाडीले जनही २५ हजार रुपैया पुरस्कार जित्नेछन् । म्यान अफ दि म्याचले ५ हजार पाउनेछ । यस पटकदेखि प्रतियोगितामा एउटा टोलीले दुई जनासम्म विदेशी खेलाडीलाई खेलाउन पाउने व्यवस्था गरिएको छ । धनगढीको सुदूरपश्चिपान्चल एकेडेमीको आयोजनामा हुने प्रतियोगितामा देभरका १६ टोलीले सहभागिता जनाउनेछन् । अहिलेसम्म १३ टीम पक्का भइसकेको छ भने बाकी तीन टीम छिट्टै टुङगो लाग्ने आयोजकले आज राजधानिमा पत्रकार सम्मेलन गरि जानकारी गराएको छ ।