गुल्मीको रुरुमा देशकै नमुना पुलको शिलान्यास गरियो ।।

मङिस्र १५

  गुल्मीको प्रशिद्ध धार्मिक क्षेत्र रुरुमा वन्न लागेको देशकै  नमुना तिन मुखे झोलुङ्गे पुलको आज शिलन्यास गरिएकोे छ । गुल्मीको रिडी , श्याङ्गजा र पाल्पा जोड्ने तिन मुखे झोलुङ्गे पुलको आज दिउँसो गुल्मी क्षेत्र नम्वर २ का सभाषद चन्द्र भण्डारी र नेपाल सरकारको मुख्य सचिव लिलामणी पौड्यालले सयुंक्त रुमा शिलान्यास गरेका हुन् ।

    ९ करोड ८८ लाख २६ हजार २ सय २२ रुपैयाँ लागतमा बन्ने उक्त पुल ३ वर्षमा बन्ने सम्झौता भए पनि मुख्य निर्माण व्यवसायी महेन्द्र अधिकारीले  दुई वर्षमै सम्पन्न गर्ने प्रतिवद्धता जनाएका छन् । रुरुको कालिगण्डकी नदि माथी निर्माण गरिने उक्त पुलको स्याङ्गजा पाल्पा र गुल्मीमा एक एक वटा खम्वा रहने बताईएको छ । 

  जानकारहरुका अनुसार यस्तो पुल एशियामा चाईनाको हेवई, जापानको हिरोसिमा वाहेक अन्यत्र छैन् । त्यस्तै युरोपको स्विजर ल्याण्ड, फ्रान्स र अमेरिका सहित यस्ता पुल विश्वमा जम्मा ३५ वटा मात्रै भएको जानकारहरु बताउछन् । गुल्मीको रुरु, पाल्पाको अर्गली र स्याङ्गजाको चण्डी भञ्ज्याङ्ग गाविसमा यस पुलका मुुुुुखहरु हुनेछन् ।

    उक्त पुल एशियामहादेशकै अनुपम संगमस्थल कहलिने बताईन्छ । पुलको शिलान्यास गर्दै प्रमुख अतिथी सभाषद चन्द्र भण्डारीले चारधाम मध्ये एक धाम मानिने पवित्र तिर्थ स्थल रुरु क्षेत्रको पर्यटन  विकासमा यस पुलको निर्माणले ठुलो टेवा पुग्ने बताए ।

   भण्डारीले यस्तो नमुना पुल निर्माण संगै धार्मिक क्षेत्र रुरु संग मुक्तीनाथ र ढोरपाटन  जोड्ने मोटरबाटो निर्माण कार्य पनि तिव्र रुपमा अगाडी बढाईएको बताए ।  उनले गुल्मी जिल्लालाई देशकै नमुना जिल्लाका रुपमा विकास गर्ने गरी आफुहरु लागि परेको दावि समेत गरे ।

   कार्यक्रममा विशेष अतिथी मुख्य सचिव लिलामणी पौड्याल, पुल महानिर्देशक  जिवनकुमार श्रेष्ठ, गुल्मी क्षेत्र नम्वर २ का पुर्व सांसद कमल श्रेष्ठ, लगायतले मन्तव्य राखेका थिए । कार्यक्रममा तिन वटै जिल्लाका सिडियो, एलडियो, राजनैतिक दलका प्रमुख, प्रतिनिधी, विभिन्न संघ संस्थाका प्रमुख, प्रतिनिधीहरुको सहभागिता थियो ।