१८ औं सार्क शिखर सम्मेलनको महत्वपूर्ण उपलव्धीका रुपमा उर्जा सहकार्य सम्झौतामा हस्ताक्षर

१८ औं सार्क शिखर सम्मेलनको महत्वपूर्ण उपलव्धीका रुपमा उर्जा सहकार्य सम्झौतामा हस्ताक्षर भएको छ ।
सार्क राष्ट्रका कार्यकारी प्रमुखहरुको उपस्थितिमा सदस्य मुलुकका विदेश मन्त्रीहरुले सो सम्झौतामा हस्ताक्षर गरेका छन् ।
यो सम्झौताले बिजुली उत्पादन, प्रसारण र व्यापारमा सहज हुने छ । सार्कका ८ वटै मुलुकहरुले अब एक अर्का देशलाई बिजुली बेच्न सक्ने र किन्न पनि सक्ने बाटो खुलेको छ ।
पाकिस्तानको असहमतिका कारण सार्क रेलवे कनेक्टिभिटी र रोडक कनेक्टिभिटी सम्बन्धी सम्झौतामा हस्ताक्षर हुन नसकेको परराष्ट्र मन्त्रालयका एक उच्च अधिकारीले बताएका छन् । पाकिस्तानले आन्तरिक तयारी नपुगेको भन्दै सडक सन्जाल जोड्ने र रेलवे जोड्ने दुवै सम्झौतामा असहमति जनाएको थियो ।