तीन दिन पहिले अस्पताल भर्ना भएका ब्राजिलियन फुटबल खेलाडी पेलेको स्वास्थ्य अवस्था सुधारिदै ।।

मङ्सिर १२
तीन दिन पहिले अस्पताल भर्ना भएका ब्राजिलियन फुटबल खेलाडी पेलेको स्वास्थ्य अवस्था सुधारिदै गएको छ । पिसाबमा संक्रमण भएपछि उपचारका लागि अस्पताल भर्ना गरिएका ७४ वर्षीय पेलेको स्वास्थ्य अवस्था सुधारिएपछि उनलाई अलगै वार्डमा सारिएको जनाइएको छ ।
तीन दिनमा उनको स्वास्थ्य अवस्थामा सुधार आएको अस्पतालले जनाएको छ ।  पेले आफैले ट्वीटरमार्फत आफ्नो स्वास्थ्यमा सुधार आइरहेको जानकारी दिएका छन् । यसअघि अस्पताल भर्ना गरिएका पेलेको स्वास्थय अवस्था गम्भिर रहेकाले उनलाई आइसीयुमा राखेर उपचार गराइएको अस्पतालले जनाएको थियो ।
ब्राजिललाई सन् १९५८, १९६२ र १९७० गरी तीनपटक विश्वकप फुटबलको उपाधि जिताएका पेलेले देशका लागि कुल ९१ खेलमा ७७ गोल गरेका थिए । उनले आफ्नो खेल करीयरमा खेलेका १३ सय ६३ खेलमा १२ सय ८१ गोल गरेका थिए ।