तोकिएको समयमा संबिधान बन्न नसक्ने राप्रपा नेपालका अध्यक्ष थापाको भनाइ ।।

मङ्सिर १३
राप्रपा नेपालका अध्यक्ष कमल थापाले तोकिएको समयमा संबिधान बन्न नसक्ने अबस्था आएको बताएउनु भएको छ । आज नारायण अञ्चल स्तरीय समन्वय बैठकमा हेटौंडा आइपुग्नु भएकाका अध्यक्ष थापाले प्रमुख ३ दल नेपाली कांग्रेस, नेकपा एमाले र एकिकृत नेकपा माओबादिको आपसी मत भिन्नताका कारण संबिधान बन्न नसक्ने अबस्था आएको बताउनु भएको हो । अहिले ३ दलहरुको संख्यात्मक गणितिय दम्भ, मोर्चा बन्दि र निषेधको मानसिकताका कारण संबिधान बन्ने समय सकिंदै गएको उनको भनाई थियो । अधिकांस समय ३ दलको आलोचना गरेका थापाले ३ दलकै कारण बिगतमा पनि गैर राजनितिक ब्यक्तिहरुको हातमा सत्ता गएको थापाको भनाइ थियो । यसैबिच
सूचना तथा सञ्चारमन्त्री डा मिनेन्द्र रिजालले एकिकृत नेकपा माओवादी संविधान निर्माणको मुख्य बाधक रहेको बताउनुभएको छ । एकिकृत माओवादीले चुनावी घोषणा पत्रमा आफैले प्रतिवद्धता  जनाएको कुरा पालना गर्न आलटाल गरिरहेकाले संविधान निर्माण अन्योलमा परेको मन्त्रि रिजालले बताउनुभयो । सामुदायिक रेडियो सुनवलको नवलपरासीको सुनवलमा उद्घाटन गर्दै  मन्त्रि रिजालले संविधान निर्माणको लागि संवैधानिक राजनितिक संबाद तथा सहमति समितिका सभापति डा. बाबुराम भट्टराईले समेत ईच्छा नदेखाएको जिकिर गर्नुभयो । कांग्रेस र एमाले कुनैपनि हालतमा माघ ८ मै संविधान निर्माणको पक्षमा रहेकाले सरकार बाहिर रहेका दलहरुलाई समेत सरकारमा आउन आग्रह गर्नुभयो । सहमतिको आधारमा संविधान निर्माणको लागि अब समय अपुग भएको भन्दै उहाँले दुई तिहाई बहुमतको आधारमा संबिधान निर्माणको लागि दलहरुले खुट्टा कमाउन नहुने बताउनुभयो ।