नाईजेरीयामा बोको हरामको घातक आक्रमण भएको अधिकारीहरुको भनाई ।।

मङ्सिर १३
नाईजेरियामा लगातार हुदैँ आएको आतंककारी हमलाको पछिल्लो घटनामा सयौं सर्वसाधारण मारिएको अधिकारीहरुले जनाएका छन् । उत्तरी कानो शहरको एक मस्जिदमा हिजो गराईएको तीन बम हमलामा अहिलेसम्मकै ठूलो संख्यामा सर्वसाधारण मारिएको बताईएको छ । बम हमलामा मारिनेको यकिन तथ्यांक बाहिर आउन नसकेको भए पनि करिब ४ सय शव मस्जिद बाहिर छरिएर रहेको अनुमान अधिकारीहरुको छ । प्रहरीका अनुसार शहरका अधिकांश अस्पताल अहिले बम हमलामा परेका घाईतेहरुले भरिएका छन् । एक उच्च अधिकारीका अनुसार घटनास्थलमा छरिएका शवहरुलाई उठाएर राख्ने ठाउँको अभाव भएको छ ।   चरमपन्थी बोकोहरामले उक्त आक्रमणको जिम्मा लिएको छ । पछिल्लो समय बोको हरामको आक्रमणबाट २ हजार भन्दा बढिको मृत्यु भएको छ ।