सभागृहमा पहुँच नदिने गरी भइरहेको तयारीप्रति महासंघको ध्यानाकर्षण ।।

मङ्सिर ०८
नेपाल पत्रकार महासंघले  निजी सञ्चार माध्यमलाई राष्ट्रिय सभागृहमा पहुँच नदिने गरी भइरहेको तयारीप्रति गम्भीर ध्यानाकर्षण भएको जनाएको छ । यही मंसिर १० देखि ११ गतेसम्म राजधानी काठमाडौंमा हुन गइरहेको दक्षिण एसियाली क्षेत्रीय सहयोग संगठन (सार्क) को १८ आंै शिखर सम्मेलनका लागि निजी सञ्चारमाध्यमका फोटो पत्रकार, टेलिभिजनका क्यामरापर्सन र सम्वाददाताहरुलाई मुख्य आयोजनास्थलमा पहुच नदिने सरकारको तयारीका विषयमा ध्यानआकर्षण भएको महासंघले जनाएको छ । आज विज्ञप्ती निकाली महासंघले  शिखर सम्मेलनको अवसरमा हुने उद्घाटन, राष्ट्रप्रमुख एवं सरकार प्रमुखको सम्वोधन लगायतका महत्वपूर्ण कार्यक्रमको समाचार संकलन, तस्बिर संकलन र छायाङ्कनका लागि सहज व्यवस्था मिलाउन सरकारलाई आग्रह गरेको छ । विज्ञप्तीमा  प्रेस तथा अभिव्यक्ति स्वतन्त्रता भएको मुलुकमा भएको क्षेत्रीय तहको यति ठूलो समारोहमा स्वतन्त्र प्रेसको सहज पहुँचका लागि तत्काल व्यवस्था मिलाउन महासंघ पुनः आग्रह गर्दछ भनिएको छ ।