भारतले गरेको अघोषित नाकाबन्दीको कारण पेट्रोल अभाव भएपछि गुल्मीका कृषकहरुले उत्पादन गरेको दुध खेर जान थाल्यो ।।

प्रेम, सुनार ।
गुल्मी २२ असोज ।।
मोटर साईकबाट दुध विक्री वितरण गर्दै आएका गुल्मी वलेटक्सार लगायतका विभन्न स्थानका कृषकहरुको दुध प्याट्रोल अभावका कारण भोली देखि विक्रीनभई खेर जाने भएको छ । ईस्वरी दुग्ध संकलन केन्द्र वलेटक्साका सञ्चालक नरजन श्रेष्ठले आज देखि वम्घाको टाटिम र लामाखर्कबाट आउने ३ सय ८० लिटर दुध रोकेको बताए ।
मोटर साईकलमा राखेर ल्याउने गरेको र भारतको अघोषित नाकाबन्दीका कारण पेट्रोल नभए पछि आजबाट दुद्द नल्याईएको उहाँको भनाई छ ।  पशु सेवा केन्द्र वलेटक्साका प्रमुख हिमलाल पाण्डेले पनि प्याट्रोल अभावमा कृषकहरुको घरबाट संकलन केन्द्र सम्म दुध ल्याउन समस्या आएको बताए ।
उनका अनुसार कालिका दुग्ध संकलन केन्द्र दिगामबाट दैनिक ३ सय लिटर , थानापति , हर्दिनेटा, पल्लीकोट , रिमुवा,विरवास र गौडाकोटबाट ७ सय लिटर सहित श्रृङ्गामा दैनिक १ हजार लिटर दुध संकलनभई पाल्पा लगायतका वजारमा पुराउने गरिन्छ । तम्घासमा पुराउने गरिएको ईस्वरी दुग्ध संकलन केन्द्र वलेटक्सारमा वम्घा दुग्ध उत्पादन सहकारी संस्थाबाट दैनिक ३ सय लिटर र वलेटक्सारको लामाखर्क दुग्ध उत्पादन सहकारी संस्थाबाट दैनिक ८० लिटर दुध संकलनहुने गर्दछ ।   प्याट्रोल अभावमा दुध खेर जाने भएकोले सरकारी निकायले यस्ता  कृषकहरुलाई प्याट्रोल वितरण गर्दा  पहिलो प्राथामिकता दिनु पर्ने माग गरेका छन् ।