वामीमा दुई दिने आँखा शिविर आजबाट सुरु,पहिलो दिन २० जना मोतियाबिन्दुको अप्रेशन गरियो ।।

मङिसर ११
गुल्मीको वामीमा आजदेखि दुई दिने निशुल्क आँखा शिविर सुरु भएको छ ।
रण अम्बिका आँखा अस्पताल भैरवहवाको आयोजना एवं प्राथमिक आँखा उपचार केन्द्र वामीको सहआयोजनामा शिविर सञ्चालन भएको होे । शिविरको पहिलो दिन आज १ सय ११ जनाको सामान्य आँखाको चेकजाँच तथा २० जनाको मोतिया बिन्दुको निशुल्क शल्यक्रिया गरिएको प्राथमिक आँखा उपचार केन्द्रका स्वास्थ्य प्रमुख किरण ढुङ्गानाले जानकारी दिनुभयो ।
आँखा शिविरमा रण अम्बिका आँखा अस्पताल भैरवहवाका डाक्टर सल्मा के.सी सहितको ८ जनाको टोलीले सेवा दिईरहेको छ ।वामीको स्वास्थ्य चौकीमा सञ्चालन भईरहेको शिविर भोलि पनि जारी रहने र कोही आँखा सम्बन्धी समस्या भएका व्यक्तिहरुले भोलि शिविरमा उपस्थित हुन पनि आयोजकले जानकारी दिएको छ ।