रेसुङ्गा युवा क्लवद्धारा चाड पर्वको अबसरमा बिबिध कार्याक्रम गर्ने

                                         अनिल खत्री

       गुल्मी असोज २४ ।

 हिन्दुहरुको महान पर्व बिजय दशमी तथा दिपावलीको पावन अबसर पारेर रेसुङ्गा युवा क्लवले बिबिध कार्याक्रम गर्ने भएको छ । क्लवको सदरमुकाम तम्घासमा सम्पन्न बैठकले महान पर्वको अबसरमा बिबिध कार्याक्रम गर्ने निर्णय गरेको हो । महान पर्व बिजया दसमीको अबसर पारेर यहि असोज २६ गते बिहान ७ वजे घटस्थापनाको दिन सदरमुकाम तम्घासमा रहेका खानि गाउँ भगवती मन्दीर, बुढिचौर कालिका मन्दीर, टुनिखोला भगवती मन्दीर, छाप टोला भगवती मन्दीर, धागिथुम भगवती मन्दीरमा सरसफाई गर्ने निर्णय गरेको क्लवका अध्यक्ष मनोज काउँछाले बताउनु भयो । क्लवले बिगतका वर्षहरुमा पनि सामाजिक क्षेत्रमा बिभिन्न कार्याक्रम गर्दै आएको र सोहि अनुसार बिजय दसमीको अबसरमा तम्घासमा रहेका मन्दीरहरुमा सरफाई कार्याक्रम गर्न लागेको अध्यक्ष काउछाले जानकारी दिनुभयो ।

     क्वलले दिपादली पर्वको अबसरमा परम्परागत मौलिकता झल्कने संस्कृति सहित देउँसी भैलो नाच खेल्ने निर्णय गरेको क्लवका सचिव खगिसरा कलामगरले जानकारी दिनुभयो । कला संस्कृतिको संरक्षण गर्दै देउँसी भैलो बाट उठेको रकम सामाजिक क्षेत्रमा लगानी गर्ने क्लवले जनाएको छ । क्लवले साधारण सदस्य बन्न चाहनेहरुका लागी सदस्यता बितरण गर्ने भएको छ । विकास, अनुशासन, गतिशीलता भन्ने मूल नाराका साथ वि.सं. २०४३ सालमा स्थापना भएको रेसुङ्गा युवा क्लव तम्घास गुल्मीले आफ्ना सामाजिक तथा विकासात्मक कार्यमा सम्पूर्ण पक्षलाई सहयोग एवम् हातेमालो गर्न समेत आग्रह गरेको छ । सदरमुकाम तम्घासमा सम्पन्न बैठमा क्लवका पदाधिकारी तथा सदस्यहरुको सहभागिता रहेको थियो ।