एलडीयोको माईक खोसे मन्त्रीले

फाल्गुण १९–
आठौं गणतान्त्रिक जिल्ला परिषदको उद्घाटन गर्न आउनुभएका प्रमुख अतिथी बन मन्त्री महेश आचार्यले गुल्मी जिल्लाका स्थानीय विकास अधिकारी डिलाराम पन्थीको माइृक खोस्नु भएको छ । आठौं गणतान्त्रिक जिल्ला परिषदमा आर्थिक बर्ष ०७२÷७३ को बार्षिक नीति, कार्यक्रम तथा बजेट मन्तब्य राख्दै गर्नुभएका स्थानीय विकास अधिकारी डिलाराम पन्थीको माईक बन मन्त्री आचार्यले खोस्नु भएको हो । चितवनको एक कार्यक्रममा सहभागी हुन मन्त्री आचार्यलाई हेलीकप्टर लिन आएपछि बोल्दै गर्नुभएका स्थानीय विकास अधिकारी पन्थीको माईक मन्त्री आचार्यले खोस्नु भएको हो । सम्बोधन गर्न समेत हतार भयो भन्दै शुभकामना मनतब्य शुरु गर्नुभएका मन्त्री आचार्यले माईक पाएपछि भने आधा घण्टाभन्दा बढी समय लिनुभएको थियो । मन्त्रीले माइृक खोसेपछि उपस्थित एक छिन अल्लमल्ल परेका थिए ।