होली शान्तिपूर्ण मनाउन आग्रह

फाल्गुण १७–
सरकारले होली पर्व मर्यादित, सरल र शान्तिपूर्ण रुपमा मनाउन आग्रह गरेको छ । जिल्ला प्रशासन कार्यालय काठमाडौंले सार्वजनिक सूचना जारी गर्दै कसैको स्वीकृति विना जवरजस्ती रंग, लोला तथा विभिन्न थरीका रंग मिसिएका तरल पदार्थ नछ्याप्न आग्रह गरेको हो ।  कानुन विपरित कसैले ईच्छा विपरित लोला हाने वा रंग दले कारबाही हुने कार्यलयले जनाएको छ । यस्तै होली पर्वलाई व्यवस्थित गर्न नेपाल प्रहरीले पनि अभियान थालेको छ । होली पर्वमा जथाभावी लोला नहान्न र उच्छृंखल गतिविधि नगर्न प्रहरीले अनुरोध गरेको छ । होलीका दिन शान्ति सुरक्षाका लागि टोल टोलमा प्रहरी खटाईने र ईच्छा विपरित अरुलाई दुःख दिनेलाई सार्वजनिक अपराध अन्तरगत कारबाही गरिने प्रहरीले जनाएको हो । यस बर्षको होली पहाडी क्षेत्रमा आगामी २१ गते बिहीबार र तराई क्षेत्रमा २२ गते शुक्रबार मनाईदै छ ।