स्वाइन फ्लुबाट काठमाण्डुमा एक महिलाको मृत्यु, संक्रमितको संख्यामा बुद्धि ।।

फाल्गुण १७–
स्वाइन फ्लुबाट काठमाडौंमा एक महिलाको मृत्यु भएको छ । राजधानीको मोडल अस्पतालमा उपचार गराइरहेकी महिलाको उपचारको क्रममा मृत्यु भएको हो । महिलाको पहिचान खुलाइएको छ । उनी दमको समेत रोगी भएको र उपचारको क्रममा मृत्यु भएको अस्पतालका निर्देशक डा. भरत प्रधानले जानकारी दिनुभयो । यो बर्ष स्वाइन फ्लुबाट मृत्यु भएको यो पहिलो घटना हो ।
यस्तै स्वाइन फ्लुबाट सङ्क्रमित हुनेको सङ्ख्यामा वृद्धि भएको छ । पछिल्लो समय नमुना परीक्षणका लागि राष्ट्रिय जनस्वास्थ्य प्रयोगशालामा पुगेका थुप्रै व्यक्तिमा स्वाइनफ्लुको संक्रमण पाईए पनि एकिन तथ्यांक भने सार्वजनिक गरिएको छैन ।
मन्त्रालयका उच्च पदाधिकारीले स्वाइन फ्लु सङ्क्रमित हुनेको सङ्ख्या सार्वजनिक नगर्न प्रयोगशालालाई निर्देशन दिएपछि प्रयोगशालाले हालसम्म आधिकारिक विवरण सार्वजनिक नगरेको हो । इपिडिमियोलोजी तथा रोग नियन्त्रण महाशाखाका प्रमुख डा बाबुराम मरासिनीले स्वाइन फ्लुबाट सङ्क्रमित हुनेको सङ्ख्या बढिरहेको जानकारी दिनुभयो ।
विशेषगरी जाडोको समय सकिने र गर्मीयाम सुरु हुने समयमा स्वाइन फ्लु देखा पर्ने गर्दछ । भारतमा स्वाईन फ्लुका कारण हालसम्म ८ सयको मृृत्यु भइसकेको छ भने करिब ११ हजारभन्दा बढीमा यसले संक्रमण गरिसकेको छ ।