ढाका टोपी दिबस ।।

फाल्गुण १७–
नेपाली ढाका टोपीको पहिचान बढाउन झापाको बिर्तामोडमा आज टोपी दिवस मनाइएको छ । गत वर्षबाट मार्च १ तारिखका दिन मनाउन सुरु भएको यो दिवस यस वर्ष पनि आज मनाइएको हो । बिर्तामोडमा द आर्ट अफ लिभिङ, झापा उद्योग वाणिज्य सङ्घ शाखा बिर्तामोड र मित्रनगर टोल सुधार तथा व्यवस्थापन समितिले संयुक्त रूपमा नेपाली टोपी दिवसको आयोजना गरेका हुन् ।
बिर्तामोडमा जिल्लाका सङ्घसंस्थाको सहभागितामा पुरुषले नेपाली टोपी र महिलाले गुन्यू चोलीका साथ संस्थाको ब्यानरसहित अतिथि सदनबाट सुरु भएको ¥यालीमा सहभागी भई नगर परिक्रमा गरेका थिए । दिवस मनाउन राजनीतिक दलका प्रतिनिधि र सभासद्हरूको समेत सहभागिता रहेको थियो ।