घिमिरेलाई उत्कृष्ट पत्रकारिता पुरस्कर

फाल्गुण १९–
जिल्ला विकास समिति गुल्मीले पत्रकार जनादर्न घिमिरेलाई यस वर्ष उत्कृष्ट पत्रकारिता पुरस्कारले सम्मान गरेको छ । आठौं गणतान्त्रिक जिल्ला परिषदको अवसरमा पत्रकार घिमिरेलाई आज कार्यक्रमका विशेष अतिथी सभाषद चन्द्र भण्डारीले प्रदान गरेका हुन् ।
अन्नपुर्ण पोष्ट दैनिक, एभिन्युज टेलिभिजन, उज्याले नाईन्टी नेटवर्क लगायतका सञ्चार माध्यममा आवद्ध घिमिरे गत १६ वर्ष देखि यहाँको पत्रकारितामा क्रियाशिल छन् । नेपाल पत्रकार महासंघको पुर्व अध्यक्ष रहेका घिमिरे नेपाल प्रेस युनियनका पुर्व केन्द्रिय सदस्य समेत हुन् ।
राष्ट्रिय समाचार समिति , गोरखा पत्र दैनिकका सम्वादाता र रेडियो रेसुङ्गाको कार्यकारी निर्देशकको अनुभव समेत हाँसिल गरेका घिमिरेले वर्तमान अवस्थामा जिल्लाका पुराना र जिम्मेवार पत्रकारको छवि बनाएका छन् । उनि गुल्मीको मुसिकोट निवासी हुन् ।
उनले जिल्ला विकास समितिबाट प्राप्त गरेको नगद पुरस्कार भने नेपाल पत्रकार महासंघले स्थापना गरेको पत्रकार उपचार कोषलाई सोही समारोहमा हस्तान्तरण गरेका छन् ।