पश्चिमी बायुका कारण मौषममा परिवर्तन, बिभिन्न क्षेत्रमा हिमपात ।।

फाल्गुण १७–
अचानक मौषममा आएको परिवर्तणका कारण देशभरिको जनजिवन प्रभावित बनेको छ । मौषम पूर्वानुमान महाशाखाका अनुसार पश्चिमी वायुको प्रभावले देशभर बदली भएको जनाएको छ ।
न्यूनचापीय प्रणाली अरब सागरसँग समिश्रण हुँदा पश्चिमी वायुले ठूलो रुप लिएको महाशाखाले जनाएको छ । भूमध्यसागरबाट सो वायु नेपालको पश्चिमी भेग हुँदै देशभर प्रभाव पारेकाले गुल्मी, बाग्लुङ्, डडेल्धुरा, दीपायल, धनगढी, सुर्खेत, नेपालगन्ज, जुम्ला, दाङ, भैरहवालगायतका स्थानमा वर्षात् भएको मौसमविद् शान्ति कँडेलले जानकारी दिनुभयो । भोलीसम्म देशभर नै बदली भई, उच्च हिमाली भेगमा भारी हिमपात भएको छ ।
मुस्ताङ र मनाङमा भारी हिमपात भएको छ । मुस्ताङ र मनाङमा बिहानदेखि वर्षासँगै भारी हिमपात भएको हो । ती जिल्लामा एक फिटभन्दा बाक्लो हिउँ परेको स्थानीयवासीले बताएका छन् । जिल्लाका पाखापखेरा, डाँडाकाँडा, खेतबारी र घरका छाना हिउँले सेताम्मै भएका छन् ।
पानी र हिउँ परेकाले यहाँ चिसो बढेको छ । जाडो बढेकाले मानिसहरु बाहिर निस्कन सकेका छैनन् । वायुको प्रभाव कायम रहँदासम्म काठमाडौं लगायतका पहाडी स्थानमा चिसो बढ्ने छ । मौसमविद् कँडेलका अनुसार वायुको प्रभाव पर्सि मङ्गलबार सम्म कायम रहने र मौसममा पनि सुधार आउने मौसमविद् कँडेलले जानकारी दिनुभयो ।