स्वाईन फ्लुको उपचारमा ध्यान दिन सबै अस्पताललाई स्वाथ्यमन्त्रीको निर्देशन ।।

फाल्गुण १८–
स्वास्थ्य मन्त्री खगराज अधिकारीले स्वाइन फ्लुको सङ्क्रमण भएका बिरामीको प्रभावकारी उपचार गर्न र प्रगति विवरणबारे आफूलाई दैनिक विवरण उपलब्ध निर्देशन दिनु भएको छ ।  दम तथा निमोनियाबाट ग्रसित भई एक साताअघि मोडेल अस्पतालमा उपचाररत एक महिलाको आइतबार स्वाइन फ्लु सङ्क्रमणका कारण निधन भएपछि मन्त्रालयले विशेष सतर्कताका लागि पहल लिएको हो । मन्त्री अधिकारीले आज मन्त्रालयका सचिव शान्तबहादुर श्रेष्ठ, स्वास्थ्य सेवा विभाग, सम्बन्धित महाशाखामा प्रमुख, विश्व स्वास्थ्य सङ्गठनका प्रतिनिधिलगायतलाई उपचार र रोकथामका कार्यमा कुनै कसर बाँकी नराख्न निर्देशन दिनुभयो । आजै रिपोटर्स क्लबमा बोल्दै स्वास्थ्य तथा जनसंख्या अधिकारीले स्वाईन फ्लुको उपचारको लागि डेढ महिनालाई पुग्ने औषधी स्टोकमा रहेकोबताउनुभएको छ । मन्त्री अधिकारीले अहिले हामीसँग साढे सात हजार ट्याब्लेट बाँकी रहेको र केही दिनमै १० हजार पग्ने बताउनुभयो । पूर्वको काकडभिट्ठा देखि कञ्चनपुरसम्म तालिम प्राप्त प्राविधिकहरुसहित हेल्थ डेस्कको स्थापना गरिसकिएको जानकारी दिदै उहाँले देश भरीका २५ स्थानबाट संकलन भएका नमुनाहरु जनस्वास्थ्य प्रयोगशाला र पाटन प्रयोगशालामा परिक्षण गर्न सकिने बताउनुभयो । मन्त्री अधिकारीले रोगको प्रकोप नियन्त्रण गर्न सरकारसँग बजेटको अभाव नभएको दावी गर्नुभयो ।बालबालिका, गर्भवती र मोटो मानिसमा छिटो सर्ने भएकोले साबुन पानीले हात धुन, छोपेको मात्रै खान, धेरै भिड हुने स्थानमा नजान र भेटदा नमस्ते मात्र गर्न उहाँले आग्रह गर्नुभयो  ।