बाग्लुङको अधिकारीचौरमा एक घरमा आगलागी हुँदा १० लाख मुल्य बराबरको धनमाल जलेर नस्ट ।।

छबिलाल पाण्डे, बाग्लुङ्
फाल्गुण १६–
बाग्लुङको अधिकारीचौर गाविसको वडा नँ ४ मा  एक घरमा आगलागि हुँदा करीब १० लाख मुल्य बराबरको धनमाल जलेर नस्ट भएको छ । अधिकारीचौर गाविस वडा नँ ४ कुदुम स्थित दल बहादुर भण्डारीको घरमा आज दिउँसो करीब १ बजेको समयमा आगलागि हुँदा घरमा राखिएको एक लाख १० हजार नगद, १४ बोरा चामल ,तथा अन्य अन्नपात, लत्ताकपडा, जिन्सि सामान  लगाएत सबै धनमाल जलेर नस्ट भएको हो ।
 शनीबार दिँउसो करीब एक बजेको समयमा घरमा कोहि नभएको अबस्थामा घरकै पाँच बर्षिय बालक ताईशन भण्डारीले  आगो फुकेर खेलाउने क्रममा आगलागि भएको स्थानीय युवा तेजेन्द्र कुमार भण्डारीले जानकारी दिनुभयो । आगलागि दिउँसो १ बजेको समयमा भएपनी स्थानीय बासिन्दाले करीब साँझ पाँच बजेतीरमात्र  नियन्त्रणमा लीन सफल भएका थिए ।
खरले छाएको घर भएका कारण आगलागि नियन्त्रणमा लीन समस्या भएको र सबै सामान जलेर नस्ट भएको बताईएको छ । घरमा आगलागि भएपनी बालबच्चा  र पशुचौपाया भने स्थानीयले जोगाउन सफल भएको भण्डारीले बताउनु भयो ।