देशैभर मौसममा आकस्मीक परिवर्तन, चट्याङ् लागेर २ जनाको मृत्यु ।।

फाल्गुण १४–
देशभरका विभिन्न ठाउमा आज मौसममा आकस्मीक रुपमा परिवर्तन भएको छ । आज विहान देखि राजधानी सहित देशभरका अधिकाँश ठाउमा तुवालो लाग्नुका साथै केही ठाउमा बर्षा समेत भएको जानकारी प्राप्त भएको छ । राजधानीमा समेत बिहान बर्षा भएको छ । बर्षा र तुवालोका कारण कतिपय ठाउमा चट्याङ समेत परेको छ । राजधानीमा मौषसमा केहि सुधार आएकाले बिहान अवरुद्ध भएका आन्तरिक तथा बाह्य उडानहरु दिउसोबाट सुचारु हुन थालेको छ । मौषममा आएको परिवर्तनसँगै उपत्यकाको भिजिबिलिटि कमजोर भएकाले बिहान केहिबेर त्रिभुवन अन्तराष्ट्रिय विमानस्थलबाट हुने सबै उडान प्रभावित भएका थिए । हिजो पश्चिम नेपालबाट छिरेको पश्चिमी वायु आज विहान काठमाडौं आईपुगेको र साँझसम्म पुर्वी नेपालमा पुगेको मौसमविद वरुण नेपालले जानकारी दिनु भयो ।
यसैबिच भारी बर्षासँगै देशका विभिन्न स्थानमा परेका चट्याङका कारण २ जनाको मृत्यु भएको छ भने चट्याङका कारण भएका आगलागीबाट लाखौँको क्षती भएको छ ।  मकवानपुरका दुइ छुट्टाछुट्टै स्थान चट्याङ पर्दा २ जनाको मृत्यु भएको हो ।  जिल्लाको राक्सिराङ गाविसमा परेको चट्याङ लागेर चुरेडाँडाका ३० बर्षिय सुर्यलाला चेपाङको मृत्यु भएको छ । आफ्नै घरमा आगो तापेर बसीरहेका उनको चट्याङले लागेर मृत्यु भएको हो । यस्तै मन्थली गाविस ३ का अक्कल बहादुर घिसिङका १३ बर्षिय छोरा युवराज घिसिङको पनि चट्याङले लागेर मृत्यु भएको प्रहरीले जनाएको छ । दोलखाको जिरीमा रहेको रेडियो हिमालीको टावरमा चट्याङ परेपछि भएको आगलागीबाट एक घर जलेर नष्ट भएको छ । चट्याङ परेपछि टावरसँगै जोडिएको घरमा विद्युतसर्ट भइ आगलागी भएको हो । आगलागीका कारण पाल्दिप शेर्पा र आङ्दोर्जे शेर्पाको ढुङ्गा र काठले वनेको ३ तले घर जलेर नष्ट भएको छ । आगजानीमा करिव १० लाख वरावरको क्षेती भएको जिल्ला प्रहरी कार्यालय दोलखाका ईन्सपेकटर शान्तकुमार लामाले जानकारी दिनुभयो । त्यस्तै वामी टक्सार वरपर पनि मौसममा बदली भएको छ । बिहानै देखी पानी पर्नुका साथै तुवाली लागी रहेको थियो।