यस वर्षको एस.एल सी परिक्षामा रेन्बो ईङ्लिस बोर्डिङ जिल्लामै उत्कृष्ट ।।

अहिले सम्मको  जानकारी अनुसार यस वर्षको गुल्मीको एसएलसी परिक्षाको नतिजाफलमा रेन्बो  ईङ्गलीस सेकेण्डरी  बोर्डिङ्ग स्कुल बलेटक्सार ४,  गुल्मीका छात्र र छात्रा दुबैमा  जिल्ला टप भएको छ ।

यस विद्यालयका शिद्धिनाथ ज्ञवालीले ९२.२५ अंक ल्याई जिल्ला प्रथम भएका हुन् । त्यस्तै सोही विद्यालयकी अमृता पन्थ ८७.८७ अंक ल्याई छात्रा तर्फ जिल्ला प्रथम भएकी छन् । यसरी छात्र, छात्रा दुवैमा जिल्ला टप हुन सफल त्यस विद्यालयबाट एसएलसी परिक्षामा २३ जना सहभागि मध्ये ८ जना विशिष्ट श्रेणीमा र  १५ जना प्रथम श्रेणीमा उतिर्ण भएको प्रिन्सिपल फर्शुराम ज्ञवालीले जानकारी दिनुभयो ।

यद्येपि जिल्ला शिक्षा कार्यालयले भने यसको आधाकारिक पुष्टी दिन नमिल्ने बतायो । माथीबाट लेजर आए पछि मात्र पुष्टी गरिने विद्यालय निरक्षक झविलाल बिश्वकर्माले बताउनुभयो ।  

  रेन्वो बोर्डिङ्गका ति विद्यार्थी पछि राम्रो नतिजा लिई उतिर्ण हुने विद्यालयहरुमा अर्जुन आवासीय उच्च मावि तम्घास, चक्रेश्वर ईङ्गलीश वोर्डिङ्ग स्कुल शान्तीपुर ,शिद्धवााव उच्च माध्यामिक विद्यालय तम्घास, रेसुङ्गा मावि तम्घास, रिर्डश पब्लिक हाई स्कुल तम्घास गुल्मी  लगायत रहेका छन् । गत वर्षको एसएलसी परिक्षामा पनि सदरमुकाम बाहिर कै ईस्वरी उच्च माध्यामिक विद्यालय चारपालाका विद्यार्थी जिल्ला टप भएका थिए ।

    कुनै समय  छोराछोरीलाई राम्रो नतिजाका साथ पास गराउन सदरमुुकाम कै विद्यालयमा पढाउनु पर्छ भन्ने मानसिकता  थियो । तर गत केहि वर्ष यता यसरी सदरमुकाम वाहिरका विद्यालयहरुले जिल्ला टप र विशिष्ट श्रेणीमा विद्यार्थी उतिर्ण गराउन थाले पछि सदरमुकामका विद्यालयहरुलाई चुनौती थपिएको छ ।

यसैबिच यसवर्षको यसएलसी परिक्षामा जिल्लाका ३ विद्यालय नतिजाफलमा निल भएका छन् ।

शुक्र माध्यमिक विद्यालय खड्ककोट,चिदिपानी माध्यमिक विद्यालय जुनियाँ रगुफेदी माध्यमिक विद्यालय अगलुङले १ प्रतिशत पनि विद्यार्थी उत्तिर्ण गराउन नसकेको बताईएको छ ।