जिल्ला शिक्षा कार्यालयको गुल्मीको आयोजनामा सार्बजानीक बिद्यालय सुधारका लागी शिक्षकले चाहेमा गर्न सक्छन बिषयक एक दिने कार्यक्रम सम्पन्न ।।

जिल्ला शिक्षा कार्यालय गुल्मीको आयोजनामा सार्वजनिक विद्यालय सुधारका लागि शिक्षकले चाहेमा गर्न सक्छन्’ विषयक एक दिने अन्तरकृयात्मक शैक्षिक कार्यक्रम सम्पन्न भएको छ । सदरमुकाम तमघासमा सम्पन्न कार्यक्रममा प्रमुख अतिथि समेत रहनुभएका शिक्षा विभागका निर्देशक टेकनारायण पाण्डेले गुल्मी जिल्लाको अहिलेको शैक्षिक स्तर धेरै सुधार भएको भन्दै प्रशंसा गर्नुभएको थियो । साथै उहाँले विद्यालय बालबालिकाका लागि सजायँ दिने कारागार जस्तो बनाउन नहुने बताउँदै समय अनुकुल विद्यार्थी केन्द्रीत सिकाई जरुरी रहेको बताउनुभयो । शिक्षकले विद्यार्थीलाई विश्वसँग प्रतिस्पर्धा गर्न सक्ने बातावरण सिर्जना गर्नतर्फ प्रेरित हुनुपर्ने, शिक्षकले आफ्नो दायित्व भुल्न नहुने तथा विद्यालयलाई सुशासकीय रुपमा रुपान्तरण हुनुपर्नेमा जोड् दिनुभएको थियो । त्यस्तै विशेष अतिथि प्राध्यापक डाक्टर विद्यानाथ कोईरालाले व्यवहारिक र सहभागितामुलक शिक्षा पद्धतिका आधारमा विद्यार्थीहरुलाई सिकाईमा संलग्न गराउनुपर्ने बताउनुभयो । एक फरक प्रसङ्गमा उहाँले सकारात्मक राजनीति चिन्तन नहुँदा पनि शैक्षिक बातावरण विग्रिएको वताउनुभयो । प्रमुख जिल्ला अधिकारी कमलराज ढकालले पेशालाई मर्यादित बनाएर लैजानुपर्नेमा जोड दिनुभयो । कार्यक्रममा अर्घाखाँचीका जिल्ला शिक्षा अधिकारी हरिप्रसाद अर्याल लगायत विभिन्न राजनीतिक दलका प्रमुख तथा प्रतिनिधी, विभिन्न शैक्षिक व्याक्तिहरु लगायतले मन्तव्य व्यक्त गर्नूभएको थियो । जिल्ला शिक्षा अधिकारी दिनेशकुमार श्रेष्ठको अध्यक्षतामा सम्पन्न कार्यक्रममा शिक्षा कार्यालयकै लोकनाथ मरासिनीले स्वागत मन्तव्य व्यक्त गर्नुभएको थियो भने सञ्चालन हरिप्रसाद अर्यालले गर्नुभएको थियो ।